Дзӕуджыхъӕу ӕмӕ респбуликӕйы районты ӕвзарӕн участоктӕ куы байгом сты, уымӕй чысыл фӕстӕдӕр кусын райдыдта РЦИ-Аланийы Центрон ӕвзарӕн къамисы пресс-центр дӕр.
Центрон ӕвзарӕн къамисы сӕрдар Моргуаты Жаннӕ журналисттӕн куыд фехъусын кодта, афтӕмӕй, закъоны фадатӕй спайда кӕнгӕйӕ, рагагъоммӕ схъӕлӕс кодтой 11 мин адӕймаджы бӕрц. «Абарынӕн уын ӕрхӕсдзынӕн ахӕм нымӕцтӕ: зӕгъӕм, 2014 азы ахӕм ӕвзӕрстыты рагагъоммӕ хъӕлӕс кӕныны фӕткӕй спайда кодтой 25 мин адӕймагӕй фылдӕр», — фӕнысан кодта Моргуаты Жаннӕ.
Центрон ӕвзарӕн къамисы сӕрдары ныхасмӕ гӕсгӕ, ӕппӕт ӕвзарӕн участоктӕ дӕр афойнадыл байгом сты. Хъӕлӕскӕнынад ныртӕккӕ дарддӕр цӕуы.
