Ацы аз Цӕгат Ирыстоны саразынмӕ хъавынц амбулаторон онкологон ӕххуысы ӕртӕ центры.
Арӕзт куы ӕрцӕуой, уӕд фадат уыдзӕн йӕ диагностикӕйы ӕмгъуыд фӕкъаддӕр ӕмӕ йӕ хӕрзхъӕддзинад фӕнывылдӕр кӕнынӕн. Ацы мадзӕлттӕ конд ӕрцӕудзысты национ проект «ӕнӕниздзинад хъахъхъӕнынад»-ы регионалон проект «Онкологон низты ныхмӕ тох»-мӕ гӕсгӕ.
Знаггадхӕссӕг рӕсыдтыты диагностикӕ афоныл скӕнынӕн центртӕ ифтонггонд уыдзысты хъӕугӕ кусӕнгӕрзтӕй. Уымӕй уӕлдай ма ацы аз республикӕйы онкологон диспансерӕн балхӕнынмӕ хъавынц ног ифтонггӕрзтӕ. Национ проектмӕ гӕсгӕ сараздзысты диспансеры ног бӕстыхай дӕр.
Уый тыххӕй фехъусын кодта РЦИ-Аланийы ӕнӕниздзинад хъахъхъӕнынады министрады пресс-службӕ.
Нӕ уацхӕссӕг
