Уæрæсейы æдасдзинадæн фадæттæ саразынæн, адæмы æнæниздзинад бахъахъхъæнынæн æмæ коронавирус ма ахæлиу кæнынæн УФ-йы Хицауады ацы аз 16 мартъийы фидаргонд № 635=р бардзырды бындурыл 18 мартъийæ 1 майы онг фæсарæйнаг адæймæгты (уыимæ — Республикæ Беларусæй дæр) паддзахадон арæныл Уæрæсейы Федерацимæ уадзыны фæткæн кæрон æвæрд æрцæуæд. Уæрæсейы Федерацийы граждæнтæн цæуæн ис паддзахадон арæныл.
Уæрæсейы Федерацимæ æрбацæуыны бар ис мæнæ ахæм адæймæгтæн:
Уæрæсейы Федерацийы территорийыл æрбынæттон уæвæг фæсарæйнаг паддзахæдты дипломатон минæварæдты æмæ консулон кусæндæтты, дунеон организациты æмæ сæ минæварæдты, æндæр сæрмагонд минæварæдты аккредитацигонд, кæнæ фидаргонд кусджытæн æмæ сæ бинонты уæнгтæн;
дунеон автомобилон бастдзинады уæзласæн транспортон фæрæзты шофыртæн;
хæдтæхджыты экипажтæн;
сæрмагонд делегациты уæнгтæн;
дипломатон, куысты визæтæ кæмæ ис, ахæм адæймæгтæн;
хионы адзалмæ гæсгæ визæтæ кæмæ ис, ахæм адæймæгтæн (æнæ визæтæй цæуæг адæймæгтæм та хъуамæ уой адзалы цауыл æмæ æрвадиуæгыл дзурæг документтæ);
Уæрæсейы Федерацийы иудадзыг цæрæг адæймæгтæн (Уæрæсейы Федерацийы цæрыны баримæ);
Уæлдæфон уадзæн бынæттыл транзитон уагæй цæуæг адæймæгтæн.
Уадзæн бынæттæ «Уæллаг Ларс» æмæ «Дæллаг Зæрæмæг»-ыл дзургæйæ, зæгъын хъæуы мæнæ ахæм хабар: цалынмæ сæрмагонд бардзырд нæ рацæуа, уæдмæ автотранспортон фæрæзтæй иуы хуызмæ дæр Арвыкомы æмæ Ручъы æфцæджы фæндæгтыл цæуыны бар нæй (боныхъæд кæй февзæр, æмæ зæйты рацыдæй тæссаг кæй у, гæрæнтæ уыдæттимæ баст сты).
Уæрæсейы Федерацийæ фæсарæнтæм кæнæ Уæрæсемæ æрбацæуыны фæнд чи скæна, уыцы адæймæгтæн хæссæм иу фæндон: цы бæстæмæ цæуынц, уый фидаргонд цæлхдуртимæ базонгæ уæнт.
УФ-йы Æдасдзинады федералон службæйы цæгатирыстойнаг
арæнхъахъхъæнæг управленийы пресс-службæ
