Цæгатирыстойнаг театр «Саби» ныртæккæ цæттæ кæнынц бындурон рацарæзтмæ. Фыццаградон национ проект «Культурæ»-йы фæлгæты ацы кусæндоны цалцæгæн радих кæндзысты 32 милуан сомы бæрц.
Зындгонд куыд у, афтæмæй театры агъуыст арæзт æрцыд 19-æм æнусы кæрон. Уыимæ, фæстаг 80 азы дæргъы ахæм бындурон цалцæг никуыуал баййæфта.
«Саби»-йы агъуыстæн ис ахсджиаг историон, культурон æмæ архитектурон ахадындзинад. Уыцы æууæл хынцгæйæ, агъуысты æддаг бакаст хъахъхъæд æрцæудзæн — сæрмагонд технологийы фæрцы йын æрмæстдæр асыгъдæг кæндзысты йæ агуыридуры цъар. Театры иннæ бæстыхæйттæ бындуронæй рацараздзысты.
Куыд нысангонд цæуы, афтæмæй цалцæггæнæн куыстытæ ахицæн уыдзысты ноябры мæй.
Нæ уацхæссæг
