Цæгат Ирыстоны Республикон клиникон рынчындоны сæйраг дохтыр Митциты Астан куыд фехъусын кодта, афтæмæй медиктæ æвзарынц, коронавирусæй рынчынты дзæбæх кæнынæн чи баххуыс кæндзæн, ахæм хостæ.
— Коронавирус чи дзæбæх кæны, ахæм хос нæй, уымæ гæсгæ медиктæ æвзарынц, низæн йæ иунæг хайыл дæр чи сахаддзæн, ахæм хостæ. Фæстаг рæстæг парахатæй пайда кæнынц «Актерма»-йæ. Пайда ма дзы кæнынц системон низтæ (зæгъæм, васкулит) дзæбæх кæныны рæстæг дæр. Ацы хос низы иу хай бамынæг кæны. «Актерма» нæм ис, фæлæ дзы æппæт адæмы дзæбæх кæнæн нæй, иммунитет лæмæгъдæр кæны, æмæ организм пневмонийы ныхмæ тох кæнын нал бафæразы. Цалынмæ йæ рынчынæн фæдæттæм, уæдмæ йын саразæм биохимион иртасынад, — загъта Митцийы-фырт.
