0
88

Фыццæгæм поликлиникæйы фæзынд томограф

Республикон бюджетæй Дзæуджыхъæуы Фыццæгæм поликлиникæйæн балхæдтой ног компьютерон томографы аппарат. Уый у, амбулаторон-поликлиникон цæджы кæй сæвæрдтой, ахæм фыццаг аппарат. Специалистты ныхасмæ гæсгæ, æппæт нырыккон домæнтæн дæр дзуапп дæтты.

Поликлиникæйы сæйраг дохтыр Бесолты Фатимæ куыд зæгъы, афтæмæй аппарат у фæстаг фæлтæрæй, хæрзхъæд, ахæм егъау поликлиникæйæн лæггад кæнынæн æппæт хъæугæ домæнтæн дæр дзуапп дæтты. — Уый æххуысæй нæ бон уыдзæн буары алы хæйттæн дæр иртасæнтæ æмæ компьютерон томографыл хæрз æндæрхуызон иртасæнтæ скæнын. Вирусон пневмони раиртасыны хъуыддаджы ныртæккæ ахæм аппарат у тынг ахсджиаг», — фæбæрæг кодта сæйраг дохтыр.

Ныртæккæ низтæ раиртасыны хъуыддæгтæ поликлиникæйы кæнынц коронавирусæй гуырысхойаг амбулаторон рынчынтæн. Онкологон диспансеры тынты диагностикæйы хайад афтæмæй суæгъд. Фыццæгæм поликлиникæ лæггад кæндзæн Дзæуджыхъæуы æмæ кæцыдæр районты цæрджытæн.

— Кусæм къуырийы дæргъы, горæтæгтæй уæлдай гæххæттытæм гæсгæ кæсæм Горæтгæрон, Алагиры, Æрыдоны районты цæрджытæм. Процедурæмæ æнхъæлмæ кæсыны рæстæг у хæрз цыбыр, боны дæргъы иртасæнты хатдзæгтæ арвитæм сæ хицæуттæм, — зæгъы сæйраг дохтыры хæдивæг Калоты Аланæ.

Компьютерон томографмæ барвитыны гæххæтт райсæн ис поликлиникæйы, терапевт дæ куы фена, уый фæстæ. Коронавирусæй гуырысхойæгтæм вæййы ахæм бæрæггæнæнтæ: лæмæгъдзинад, тыхулæфт, хуыфæг, буары тæвд схизы, туаггуыр нал фæфаг кæны туджы.


Джихаты Стеллæ,
Æнæниздзинад

хъахъхъæнынады

министрады

пресс-службæ

 

ОСТАВЬТЕ ОТВЕТ

Please enter your comment!
Please enter your name here