Хуссайраг æфсæддон зылд æмæ Цæгат Ирыстоны æмархайды фарстатæ

0
12

Ацы бонты Цæгат Ирыстоны кусæг балцы уыд Хуссайраг æфсæддон зылды командæгæнæг, æфсады инæлар Александр Дворников. Республикæйы уазæгæн фембæлд уыд РЦИ-Аланийы Сæргълæууæджы хæстæ рæстæгмæ æххæстгæнæг Сергей Меняйлоимæ

 

Александр Дворников æмæ Сергей Меняйло сæ фембæлды бынатæн равзæрстой Цæгат Кавказы суворовон æфсæддон училищæ.

Зындгонд куыд у, афтæмæй фарон Дзæуджыхъæуы кадджын уавæры байгом училищæйы бæстыхæйтты ног комплекс. Ныртæккæ та аразджытæ кусынц æфсæддон ахуыргæнæндоны дыккаг хайыл. Дыккаг къæпхæны бæстыхæйттæ хъуамæ сцæттæ уой ног ахуыры азы райдайæнмæ.

УФ-йы Хъахъхъæнынады министрады Æфсæддон-арæзтадон комплексы бæрнон кусджытæ Александр Дворников æмæ Сергей Меняйлойæн радзырдтой, арæзтадон куыстытæ куыд æххæстгонд цæуынц, ног бæстыхæйттæ байгом кæныны фæстæ курсантты хъомылад æмæ ахуырадæн цы уæлæмхасæн фадæттæ фæзындзæн, уыдæтты тыххæй. Подрядчикы ныхасмæ гæсгæ, 1 сентябры æмгъуыдмæ эксплуатацимæ лæвæрд æрцæудзысты курсантты æмдзæрæн, уæлæмхасæн ахуырады бæстыхай æмæ спортивон хъæбысхæстыты зал.

Александр Дворников æмæ Сергей Меняйло фæстæдæр æрдзырдтой Хуссайраг æфсæддон зылд æмæ Республикæ Цæгат Ирыстон-Аланийы дарддæры æмархайды фарстатыл дæр. Зæгъæм, фембæлды архайджытæ баныхас кодтой, æфсæддон комплексы дæлхайæдты хъарутæй Дзæуджыхъæуы цы ног рæвдауæндон арæзт цæуы, уый муниципалон исбонадмæ лæвæрд кæй æрцæудзæн, ууыл. Уымæй уæлдай, боны фæткы уыдысты Гæрзифтонг тыхты службæгæнджытæн социалон зæрдæдарæнтæ дæттыны, фæсивæды æфсады службæмæ цæттæ кæнын æмæ æндæр ахæм фарстатæ.

 

РЦИ-Аланийы
Сæргълæууæджы æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here