Ахуырадон кусæндæтты бындурон цалцæгæн

0
12

Цæгат Ирыстоны ахуырадон кусæндæттæн сæ 50 процентæй фылдæр сты бындурон цалцæггæнинаг. Уый тыххæй знон Хицауады æмбырды йæ раныхасы фехъусын кодта республикæйы ахуырад æмæ наукæйы министры хæстæ рæстæгмæ æххæстгæнæг Алыбегты Эллæ.

 

«Уыдоны нымæцы — 152 бæстыхайы. Уыдонæй 12 сарæзтой революцийы агъоммæ, 26 ахуырадон кусæндоны — хæсты агъоммæ æмæ 76 объекты та республикæйы фæзындысты 1970 азты», — фæнысан кодта министры хæстæ рæстæгмæ æххæстгæнæг.

Алыбегты Эллæйы ныхасмæ гæсгæ, уыцы фарста алыг кæнынæн ахъаз уыдзæн ахуырадон кусæндæтты модернизацийы сæрмагонд республикон программæ. Уыцы программæ æххæстгонд цæудзæн 2022-2026 азты. Ныртæккæ бæстон куыст цæуы программæйы уагæвæрдтыл.

Ведомствæйы разамонæг куыд фæнысан кодта, афтæмæй программæйы мадзæлттæ ахъаз уыдзысты ахуырадон кусæндæтты бындурон цалцæг æмæ материалон-техникон ифтонгад зынгæ фæхъомысджындæр кæнынæн.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here