РЦИ-Аланийы Хицауады Сæрдары хæдивæг Тугъанаты Ларисæ дзы сæрдариуæг кодта, афтæмæй уыдис, Хъæбæлоты Билары номыл, РЦИ-Аланийы Хицауады сæрмагонд паддзахадон стипенди райсыны фæдыл, кандидатты æзарыны экспертон къамисы æмбырд. Æргом хъæлæс кæныны мадзалы бæрæггæнæнтæм гæсгæ, æвзæрст æрцыдысты 10 лауреаты.
Ацы аз уæлдæр амынд стипенди райсынмæ куырдиæттæ балæвæрдтой, паддзахадон ахуырадон организациты 46 кандидаты. Уыдонæй 43, Уæрæсейы институтты боныгон ахуыры студенттæ, иннæтæ та астæуккаг профессион ахуырады организациты ахуырдзаутæ.
Номхыгъды сты, уæлдæр æмæ астæуккаг ахуырады фæсивæды хуыздæртæ: наукон-иртасæн, сфæлдыстадон архайды сæрмагонд дипломтæ, сертификаттæ, кады гæххæттытæй хорзæхджынгонд, олимпиадæтæ, фестивалтæ, Æппæтадæмон æмæ Æппæтуæрæсеон конкурсты уæлахиздзаутæ. Фидæны дохтыртæ, ахуыргæнджытæ, инженертæ, агрономтæ, музыканттæ, ахуыргæндтæ æмæ хуымæтæг фæллойгæнджытæ.
Экспертон къамис, нæ республикæйы Хицауады æмæ Парламенты уæнгтæ, наукæ æмæ бизнесы æмæхсæнады минæвæрттæ сфидар кодтой хуыздæр студенттæ æмæ ахуырдзауты номхыгъд. Афтæмæй, уæлдæр ахуырады лауреаттæ систы:
Цæгат Ирыстоны медицинон академийы студенттæ: Абайты Кристинæ æмæ Уаниты Ибрагим
Саратовы, Н. Г. Чернышевскийы номыл националон-иртасæн университеты аспирант Багаты Ибрагим;
Цæгат Кавказы федералон университеты студент Юрий Дейч;
Цæгат Кавказы хæххон-металлургон университеты студенттæ; Вячеслав Донченко æмæ Екатеринæ Лопушняк;
Цæгат Ирыстоны Хетæгкаты Къостайы номыл университеты студенткæ Саламаты Аланæ, Гнесинты номыл музыкæйы уæрæсейаг академийы студент Тедеты Азæмæт æмæ Хæххон аграрон университеты студент Туаты Алан.
Профессион ахуырадон организациты хуыздæрыл та нымад æрцыд:
Дзæуджыхъæуы 5-æм училищæйы ахуырдзау Черчесты Дзерассæ.
Æппæт стипендианттæ дæр азы дæргъы исдзысты, сæ сæйраг стипендимæ ма уæлæмхасæн 10 мин сомы алы мæй дæр. Æхцайы фæрæзтæ фыст цæудзысты республикæйы бюджетæй.
Хъæбæлоты Билары номыл нæ республикæйы Хицауады сæрмагонд паддзахадон стипенди фидаргонд æрцыд 2017 азы, зындгонд паддзахадон архайæджы ном сæнусон кæныны æмæ ахуыры фæндагыл лæуд фæсивæдæн, студенттæн сæ интеллектуалон æмæ сфæлдыстадон рæзтæн ахъаззаджы æххуысы мадзæлттæ аразыны нысантæн. Æрвылаз дæр бæрæггонд цæуы 10 лауреаты.
РЦИ-Аланийы
Сæргълæууæджы
æмæ Хицауады
пресс-службæ
