Цæгат Ирыстоны райдыдта инвалидтæ æмæ æнæниздзинады цыбыргонд гæнæнтимæ адæмы ‘хсæн профессион дæсныдзинадæй «Абилимпикс-2023» æвдæм республикон чемпионатмæ цæттæгæнæн хай.
Ерыстæн фадæттæ аразынц Цæгат Ирыстоны Ахуырад æмæ наукæйы министрад æмæ национ центр «Абилимпикс»-ы регионалон хайад. Чемпионаты фидæны архайджытæ æмæ эксперттæй куырдиæттæ исын райдыдтой, бархионты цæттæ кæнынц ерыстæм. 2 апрелы æмгъуыдмæ цыппæрдæс азæй хистæр скъоладзаутæн, студенттæ æмæ хъомыл специалисттæн ис куырдиат барвитыны бар.
— Æвдæм хатт нæ республикæйы чи ацæудзæн, уыцы æвæджиауы чемпионаты архайджытæ алы хатт дæр æвдисынц алæмæты уды хъару æмæ ног æнтыстдзинæдтæм тырнындзинад. Ацы ерысты фæрцы бирæ æрыгон специалисттæ хи дæсныйады фæндаг кæй равзардзысты, уымæй мæ ныфс ис, — загъта нæ республикæйы ахуырад æмæ наукæйы министр Алыбегты Эллæ.
Ацы аз ерыстæ кæмæ гæсгæ ацæудзысты, уыцы 13 дæсныйадæй цыппар: «Хæринаггæнæджы куыст», «Хуыйæг», «Хæдтулгæты цалцæгкæнынад» æмæ «Æндадзæн технологитæ» — куыстдæтджытæм нымад сты уæлдай ахсджиагдæртыл. Президентон платформæ «Уæрæсе — фадæтты бæстæ»-йы хайыл нымад инвалидтæ æмæ æнæниздзинады цыбыргонд гæнæнтимæ адæймæгты æхсæн «Абилимпикс»-ы профессион дæсныйады чемпионаттæ æххæстгонд цæуынц проект «Ахуырад»-мæ гæсгæ. Дæсныйад равзаргæйæ, инвалидтæ æмæ æнæниздзинады цыбыргонд гæнæнтимæ адæймæгтæ æхсæнадыл цæмæй сахуыр уой, амынд ерыстæ уымæн ахъаз кæнынц.
РЦИ-Аланийы
Ахуырад
æмæ наукæйы
министрады
пресс-службæ
