Сæрмагонд æфсæддон операцийы архайгæйæ, уæззау цæф куы фæдæн æмæ бæстæйы центрон рынчындæтты мын мæ гуыбыныл цалдæр операцийы куы скодтой, уæд мын фæстагмæ, нывыл цардмæ æрбаздæхыны ныфс мын чи хъуамæ радтаид, фæлæ, уæвæн ис, æмæ тæссаг фæстиуджытæ кæмæн уыдаид, ахæм вазыгджын операци хъуамæ скодтаиккой.
Ме ’нæниздзинадæн февзæр уæвынæй тæссаг кæй уыд, уый хатгæйæ, цалдæр специалисты бафæдзæхс-той, уæлдай зындзинæдтæ мын чи бавзарын кодтаид, уыцы операци скæныныл ма сразы уæвын. Фæлæ мын фæстагмæ хъуыддагхатæг адæймæгтæ бауынаффæ кодтой нæ зындгонд специалист, Цæгат Кавказы федералон зылды сæйраг хирург, профессор Тотыккаты Валеримæ бахатын. Тотыккы-фырт мæм байхъуыста, ныфсытæ мын авæрдта æмæ мæ цалдæр дохтыримæ операцимæ цæттæ кæнын райдыдта.
Тотыккаты Валериимæ мын операци чи скодта æмæ афтæмæй мæ хъарутыл кæй фæрцы баууæндыдтæн, уыдон сты Дзæуджыхъæуы Тагъд æххуысы клиникон рынчындоны медиктæ: хирургион хайады разамонæг, доцент Медойты Вадим, медицинон наукæты доктор, профессор Тотыккаты Зауырбег, дохтыртæ-хирургтæ Гобозты Руслан æмæ Хæллаты Руслан, анестезиологтæ-реаниматологтæ Æгъуызарты Аркадий, Зæгъойты Жаннæ, Пухаты Лаурæ æмæ медицинон хотæ. Стыр бузныг сын зæгъын. Реабилитацийы рæстæг мын баххуысгæнæг дохтыртæ Джызыккаты Зелимханæн, Мерденты Надеждæ æмæ Дыгъуызты Марияйæн, стæй фонд «Фыдыбæстæ хъахъхъæнджытæ»-йы регионалон хайады цæстдарæг Хуыгаты Полинæйæн дæр зæрдиаг арфæ кæнын.
Зынаргъ дохтыртæ! Мæ зæрдæ уын зæгъы æнæниздзинад, амонд æмæ æнтыстдзинæдтæ уæ арфæйаг куысты!
Плиты Марат,
сæрмагонд æфсæддон операцийы ветеран
