Нæ республикæйы дарддæр цæуы егъау куыст цæрджытæн се ’нæниздзинад сбæрæг кæныны хъуыддаджы, нацпроект «Дæргъвæтин æмæ активон цард»-ы фæлгæты.
2025 азы райдайæнæй се ’нæниздзинады уавæр сбæрæг кодтой 25 мин цæрæгæй фылдæрæн. Программæмæ хауынц профилон специалистты консультацитæ, ультразæлон, лабораторон æмæ æндæр иртасæнтæ. Уыдон фадат дæттынц низтæ рагацау сбæрæг кæнынæн, цæмæй сæ карздæр кæнын ма бауадзой.
РЦИ-Аланийы æнæниздзинад хъахъхъæнынады министр Тебиаты Сосланы ныхасмæ гæсгæ, профилактикæ, раздæрау, у æнæниздзинад хъахъхъæнынады системæйы сæйрагдæр: «Нæ нысан – цæмæй Цæгат Ирыстоны алы цæрæгæн дæр фадат уа нырыккон диагностикæ ацæуынæн, хæрзхъæд медицинон æххуыс райсынæн. Фæстæдæрмæ йæ ма æргъæвут, бамæт кæнут уе ’нæниздзинадыл, уæ фидæныл абон. Æппæт лæггæдтæ дæр сты лæвар».
Диспансеризаци ацæуæн ис, чи кæм цæры, уым поликлиникæйы, регистратурæ кæнæ участочы дохтырмæ бацæугæйæ.
РЦИ-Аланийы Æнæниздзинад хъахъхъæнынады министрады пресс-службæ
