Хæххон паддзахадон аграрон университет ссис федералон нысаниуæджы Биологон авналæнты центр. Уæрæсейы биотехнологиты райрæзт нымад у бæстæйы сæйраг хæслæвæрдтæй иуыл.
Бирæ азты дæргъы ахуыргæнæндон амынд къабазы кусы æнтыстджынæй. Ног уагæвæрд университетыл æвæры микроорганизмты биологон коллекци аразыны, хъахъхъæныны, иртасыны æмæ дзы пайда кæныны хæс.
Ног биологон авналæнты центры уагæвæрд нымайгæйæ, ныр биотехнологон факультетæн уыдзæн уæлдай фылдæр ахадындзинад. Дзæвгар рæстæг профессор Цъугкиты Барисы разамындæй ахуыргæнæндоны коллектив æмбырд кодта микроорганизмты коллекци. Коллекцийы чи ис, уыцы дыууæсæдæ æвæджиауы «экспонатæй» сæдæ дыууын бахастой æппæтуæрæсеон коллекцийы номхыгъдмæ. Сæрмагонд базылд домæг сыгъдæг культуртæм здахын хъæуы уæлдай фылдæр æргом.
Уæрæсейы Хъæууон хæдзарады министрад агроуниверситеты коллективы куыстæн стыр аргъ скодта. Фарон декабры ахуыргæнæндонæн раттой федералон нысаниуæджы
уагæвæрд. Нырæй фæстæмæ агроуниверситет бæс-тæйы раззагдæр уæлдæр скъолатимæ биотехнологийы пайдайаг къабазы райрæзтмæ уæлдай фылдæр æргом здахдзæн. Агроуниверситеты бындурыл Биологон авналæнты центр цæмæй байгом кæной, уымæн
ахъаз кодтой ивгъуыд заманы куысты бæрæггæнæнтæ. Ахуыргæнæндонæн ног
уагæвæрдимæ фæзындыс-ты ног хæслæвæрдтæ дæр.
Ацы бактеритæ æмæ æнхъизæнтæ ахуырад райсынмæ æрбацæуæг фæсивæдæн нымад сты наукон проектты бындурыл. Дыккагкурсонтæ Джыккайты Георги æмæ Бекъойты Део се ’ргом кæд алыхуызон наукон къабæзтæм здахынц, уæддæр сæ равзæрст дæсныйæдтæ бæстæйæн пайдайаг кæй сты, уый дыууæйæ дæр хатынц. Студенттæй иу йе ’ргом кæд хуыскъæл æмæ зæххы бын зайæг æндæр халсартæм, иннæ та – бæгæныфыцæджы дæсныйадмæ здахы, уæддæр дыу-уæйæ сæ куыстыты пайда кæнынц факультеты биологон авналæнтæй.
Ахуыргæнæндоны æппæтæй æрыгондæр факультеты студенттæ цæмæй хæрх зонындзинæдтæ исой, Биологон авналæнты центры уагæвæрд уымæн
ахъаз кæны. Ахуыргæнджытæ æмæ студентты биноныг куысты фæрцы биотехнологон факультетмæ ис бирæ алыхуызон патенттæ. Агроуниверситетæн федералон нысаниуæджы центры уаг-æвæрд кæй раттой, уый ахъаз кæндзæн ахуыргæнæндоны дарддæры рæзтæн, стæй технологон хæдбардзинад фæфидар кæнынæн.
Хъалæгаты Надеждæ
