РЦИ-Аланийы Хицауады Сæрдар ДЗАНАЙТЫ Барис видеоконференцийы бастдзинады фæрцы архайдта, Уæрæсейы экономикон рæзты министры хæдивæг Сергей НАЗАРОВ цы æмбырд сарæзта, уым. Фембæлды архайджытæ æрдзырдтой энергетикæ æмæ цæрæнуатон-коммуналон хæдзарады комплексы куыстуæтты æнæкъуыхцы райрæзты фæлварæн федералон программæ æххæст кæныныл.
Цæгат Ирыстонæй æмбырды архайæг уыдысты цæрæнуатон-коммуналон хæдзарады, артаг æмæ энергетикæйы министр Хъараты Тимур, республикон унитарон куыст-
уат «Водоканал»-ы генералон директоры хæстæ рæстæгмæ æххæстгæнæг Кцойты Тамерлан, компани «Газпром межрегионгаз Владикавказ»-ы генералон директор Хъо-дзаты Алан æмæ компани «Севкавказэнерго»-йы директор Таболты Алыксандр.
Æмбырды архайджытæ хатдзæгтæ скодтой, Цæгат Ирыстон энергетикæ æмæ цæрæнуатон-коммуналон хæдзарады комплексы куыстуæтты æнæкъуыхцы райрæзты федералон программæ æххæст кæныныл куыд кусы, уымæн. Уыимæ, сæрмагонд æргом аздæхтæуыд цæрæнуатон-коммуналон лæггæдты хæрзхъæддзинад æмæ хардзгонд фæрæзты тыххæй фиддонтæ æмбырд кæныны хъуыддагмæ.
Уыцы фарстайыл дзургæйæ, «Водоканал»-ы минæвар куыд фехъусын кодта, афтæмæй 2025 азы бæрæггæнæнтæм гæсгæ, лæггæдты фиддонтæ æмбырд кæныны архайд фæрæвдздæр, уымæй размæ азимæ абаргæйæ йыл бафтыд 20 проценты бæрц. Афтæмæй æппæт фæлхасгæнджыты фиддонты æмвæзад схæццæ 91 процентмæ. Ахæм фæткыл сæ куыст аразынц иннæ энергетикон æмæ коммуналон компанитæ дæр: бæстонгонд цæуынц фæлхасгæнджыты тыххæй бæрæггæнæнтæ, архайд цæуы æппæт коммуналон фиддонтæ иу квитанцийы фæрцы кæныныл æмæ афтæ дарддæр.
– Амынд федералон программæ æххæст кæнынмæ республикæ стыр æргом здахы. Фæстаг цалдæр азы дæргъы профилон ведомствæтæ æмæ энергетикон-коммуналон компанитæ цы ахадгæ куыст бакодтой, уый фæрцы къабазы архайды ныридæгæн ис хуыздæрырдæм ивддзинæдтæ. Цæрæнуатон-коммуналон комплексы объектты модернизаци комкоммæ ахады лæггæдты хæрзхъæддзинадыл, фæлхасгæнджыты æрвылбоны царды уавæрты нывыладыл. Программæйы уагæвæрдтыл кусгæйæ, уæлдай ахсджиаг у, цæмæй æппæт нысангонд мадзæлттæ афойнадыл æххæстгонд цæуой. Уыимæ, æппæт сæвзæргæ оперативон фарстатæ дæр æнæкъуыхцыйæ хъуамæ лыггонд цæуой. Нæ иумæйаг вазыгджындæр нысан у энергетикон æмæ цæрæнуатон-коммуналон комплексы куыст æнаипдæр, хуыздæр, республикæйы адæмы цардайархайды уавæртæ фæрныгдæр кæнын, – йæ хатдзæджы бафиппайдта Дзанайты Барис.
Зындгонд куыд у, афтæмæй энергетикæ æмæ цæрæнуатон-коммуналон хæдзарады комплексы куыстуæтты æнæкъуыхцы райрæзты фæлварæн федералон программæ æххæст кæныныл кусынц æртæ цæгаткавказаг регионы. Уыдоны нымæцы Цæгат Ирыстон ис 2022 азæй фæстæмæ регионы Сæргълæууæг Сергей Меняйлойы хъæппæрисæй.
РЦИ-Аланийы
Сæргълæууæг æмæ
Хицауады
пресс-службæ
