РЦИ-Аланийы закъондæттæг оргæнæй Уæрæсейы Федерацийы сенатор Виталий Назаренко фембæлд Цæгат Ирыстоны Хетæгкаты Къостайы номыл университеты историон факультеты студенттимæ æмæ сын радзырдта закъондæттæг хицауады архайд æмæ героикон ивгъуыд сæнусон кæныны фæдыл хъæугæ хабæрттæ.
Фидæны историктæ – студенттæ æрвыст минæварæй бæлвырд базыдтой Федерацийы Советы куысты тыххæй. Виталий Назаренко æрыгон фæсивæдæн бацамыдта, нæ бæстæйы закъондæттæг системæйы механизм куыд кусы, уый. Студентты ныридæгæн цымыдисы ‘фтауынц паддзахадон разамынддзинады фарстатæ, æмæ сын сæ фæрстытæн дзуаппытæ дæр ратта. Уæлдай тынгдæр бæрæггонд æрцыд студентты сæрæн архайд университеты наукон æмæ æхсæнадон царды. Иуæй-иу æнтыстджындæр студенттæ сенаторы номæй райстой арфæйы фыстæджытæ. Уымæй уæлдай ма, мадзалы бындурыл факультеты минæвæрттæн хæдбар паддзахæдты ветеранты Æппæтадæмон цæдисы разамонæгæй лæвæрд æрцыд кады гæххæттытæ дæр. Ацы хæрзиуджытæ систы, Кавказыл тугкалæн хæсты наукон-историон конференциты куыстмæ университеты ахуыргæнджытæ зынгæ æвæрæн кæй бахастой, уыцы архайдæн æвдисæнтæ. Сенатор фæнысан кодта, ахæм историон цаутæ бахъахъхъæныны фарста стыр ахъаз кæй у бæрнон æмæ патриотон фæлтæртæ бахъомыл кæныны хъуыддаджы.
Виталий Назаренко арфæтæ ракодта историон факультеты декан Плиты Зæлинæйæн, фембæлдыл зæрдиагæй кæй бацархайдта, уый тыххæй.
– Фæсивæдимæ мын ахæм æууæнчы фембæлдтытæ мæ зæрдæмæ хæстæг сты. Уый канд хуымæтæджы информацитæй пайда кæныны мадзал нæу, фæлæ нæ бæстæйы фидæны хæрзамондæн патриотты ног фæлтæр хъомыл кæнынæн ахæм æхсызгон фембæлдтытæ вазыгджын сты, – загъта сенатор.
Æлборты Зæлинæ,
УФ-йы сенаторы æххуысгæнæг Парламентæй
