Хæлцады 700 хайы æрвыст æрцыд сæрмагонд æфсæддон операцийы архайджытæн, Хетæгкаты Къостайы номыл Цæгат Ирыстоны паддзахадон университеты фабрик-хæрæндонæй.
Акци арæзт цæуы Фыдыбæстæйы Стыр хæсты райдайæны 85 азмæ æмæ сси университеты куысты сæйрагдæр нысантæй иу, сæрмагонд æфсæддон операцийы архайджытæн æххуыстæ кæныны мадзæлтты.
Æрæджы, «Студенческая весна СОГУ»-йы фестивальмæ цы билеттæ уæйгонд æрцыд, уыцы æхцайæ университеты фабрикæ-хæрæндонæн балхæдтой продукттæ æмæ дзы бацæттæ кодтой, бирæ чи фæлæудзæн, ахæм хæлцады 700 хайы.
– Архайæм не ‘фсæддонтæн алывæрсыг æххуыстæ кæныныл. Уæлдай ахсджиаг у ацы ран студентты сæрæн архайд. Уыдон æрбацæуынц фабрик-хæрæндонмæ æмæ æххуыс кæнынц хæлцады хæйттæ (паек) æмбырд кæнын. Махæн ацы хъуыддаг хуы-мæтæджы гуманитарон акци нæу, фæлæ нын фадат ис, Фыдыбæстæ чи хъахъхъæны, уыдонæн нæ бузныгад равдисынæн. Нæ зæрдæ дарæм, æмæ ацы æххуысы фæрцы æфсæддонтæй рох нæ уыдзæн, сæ хæдзæртты сæм кæй æнхъæлмæ кæсынц, аргъ сын кæй кæнынц, уый, – загъта ЦИПУ-йы фæсивæдон политикæ æмæ административон куысты проректор Кокайты Алан.
Хæлцады хæйтты хыгъды ис дзидза, хусгонд дыргътæ æмæ, быдырон уавæрты дæргъвæтин рæстæг чи нæ фесæфдзæн, ахæм æндæр продукттæ. Хæлцады хæйттæ уæзласæн машинæмæ æвгæд æрцыдысты, хæстæгдæр бонты сæмбæлдзысты, сæрмагонд æфсæддон операцийы хæстæ чи æххæст кæны, уыцы хæстонтыл.
ЦИПУ-йы пресс-службæ
