РЦИ-Аланийы Сæргълæууæг Сергей Меняйло фембæлд нæ республикæйы сгуыхт скульптор Дзбойты Михал æмæ нæ республикæйы сгуыхт нывгæнæг Хайты Ибрагимимæ.
Цæгат Ирыстоны разамонæг базонгæ дæсны æмæ курдиатджын «мастерты» куыстытимæ. Авторты сфæлдыстад кæрæй-кæронмæ баст у нæ национ бындур – культурæ æмæ традицитимæ, Фыдыбæстæйы Стыр хæсты истори æмæ нæ зындгонд æмзæххонты нæмттæ зæрдылдарыны темæтимæ. Фембæлды архайджытæ хицæнæй æрныхас кодтой фидæны проекттæ æмæ равдыстытыл. Сергей Меняйло фæнысан кодта мадзæлтты ахадындзинад, æмæ бузныджы ныхæстæ загъта скульптортæн, нæ истори бахъахъхъæнын æмæ аивады рæзтмæ зынгæ æвæрæн кæй хæссынц, уый фæдыл.
– Ахсджиаг у, нæ нывгæнджытæ æмæ скульпторты куыстытæ канд Цæгат Ирыстоны нæ, фæлæ арæхдæр æвдыст цæуой æндæр рæтты дæр. Махмæ бирæ курдиатджын дæснытæ ис æмæ сын æххуыс кæндзыстæм сæ проекттæ царды рауадзынæн, фадæттæ сын араздзыстæм, цæмæй сын сæ куыстытимæ фылдæр адæм зонгæ кæной, – загъта Сергей Меняйло.
Саутæты Тамилæ
