Хуссар æфсæддон зылды 116-æм æфсæддон автоинспекцийы кусджытæ Дзæуджыхъæуы паддзахадон автоинспекцийы инспектортимæ фембæлдысты Уæрæсейы Федерацийы Хъахъхъæнынады министрады Цæгат Кавказы суворовон æфсæддон училищæйы ахуырдзаутимæ. Сæ ныхасы сæр уыд фæндæгтыл цæуыны æдасдзинад.
Фембæлд байгом кодта фæндæгтыл æдасæй цæуыны службæйы къорды хицау Хъайтмазты Константин, уый суворовонтæн сæ зæрдыл æрлæууын кодта, цæмæй фæндæгтыл цæуыны архайджытæ куы свæййынц, уæд уой уæлдай къæрцхъусдæр æмæ бæрнондæр.
Инспектортæ интерактивон гæнæнтæй пайдагæнгæйæ, суворовонтимæ равзæрстой бирæ уадздзагджын фæндæгты хицæндзинæдтæ, сахуыр кодтой фистæгцæуджытæ æмæ транспортон рухснысантæ кæм æвæрд ис, уыцы цæхгæрмæты æдасæй цæуыны æгъдæуттæ. Ахуырдзауты ма базонгæ кодтой мототехникæ æмæ машинæ скъæргæйæ, æнахъомтæм цы бæрнондзинады хæстæ хауы, уыдонимæ.
Кæронбæттæны училищæйы суворовонтæй Æппæтуæрæсеон конкурс «Фæндæгтыл цæуыны æдасдзинад»-ы архайджытæй хуыздæр бæрæггæнæнтæ чи равдыста, уыдонæн раттой грамотæтæ æмæ дипломтæ.
Ацы фембæлд арæзт уыд, цæмæй училищæйы хъомылгæнинæгты ‘хсæн сфидар уой фæндæгтыл æдасæй цæуыны миниуджытæ æмæ фæндаггон-транспортон фыдбылызты профилактикæйы æгъдау фæфидардæр кæнынмæ.
Хуссар æфсæддон зылды пресс-службæ
