Адæймаг йæ хæлæрттæй, йе ‘мхъуыдыгæнджытæй вæййы хъæздыг. Уыдонæй исы ныфс, семæ адих кæны йе ‘хсызгон хабар, тыхстаг уавæрты сæрты дæр уыдоны руаджы ахизы. Газет «Рæстдзинад» дæр ахæм æгъдаумæ гæсгæ цæры, размæ цæуы. Дугтæ ивынц, ирон ныхасы ад, йæ мидис æхсызгон кæмæн сты, уыдонæй иу у дзуарыхъæуккаг ФÆРНИАТЫ Къола.
Уый рагæй дæр зæрдиагæй кæсы «Рæстдзинад», ссары дзы дзуаппытæ цавæрдæр фарстытæн, афтæ дæр рауайы, æмæ йæ фарстытæ фæфылдæр вæййынц. Иу хъуыддаг у æнаивгæ: Фæрнийы-фыртæн ис фидар бастдзинæдтæ ирон газетимæ, æппынæдзух æй рафыссы, йæ зæрдæ йыл нæ ивы.
