«Росздравнадзор»-ы регионалон хайады разамонæг Ольгæ Давыдова куыд фехъусын кодта, афтæмæй стæмтæй фæстæмæ нæ республикæйы æппæт афтектæ хъæугæдæр хостæй ифтонггонд сты.
— Нæ ведомствæ афтекты уавæр сбæлвырд кодта. Куыд рабæрæг, афтæмæй фондзсæдæ афтекæй цыппарсæдæ нæуæдз иуы ис хъæугæдæр хостæ. Ацы хостæ уæйгонд цæуынц æмбæлгæ æргътæй, — загъта Ольгæ Давыдова.
Бæрнон сылгоймаджы ныхасмæ гæсгæ, регионы рафыстæуыд 50 мин рецептæй фылдæр.
— Фæстæдæрмæ æргъæвд æмгъуыдимæ ифтонгады льготон рецептты нымæц рауад æхсæз. Æнæниздзинад хъахъхъæнынады министрад фарста алыг кæныныл архайы. Хостæ афтекты кæй нæй, уый тыххæй льготниктæм хауæг адæмæй нæ ведомствæмæ æрбафтыд æртæ хъасты. Ацы хъæстытæ рабæрæг кодтам, — загъта Ольгæ Давыдова.
Хуасдзауты Алинæ
