РЦИ-Аланийы Сæргълæууæг фембæлд, сæрмагонд æфсæддон операцийы бынаты йæ хæстон хæстæ æххæстгæнгæйæ чи фæмард, уыдоны бинонтимæ. Цæгат Ирыстоны разамонæг сæм радта, сæ хъайтартæ сæ амæлæты фæстæ цы паддзахадон хæрзиуджытæй хорзæхджын æрцыдысты, уыдон.
Уæрæсейы Федерацийы Президенты Указæй, лæгдзинад, æхсар æмæ удуæлдайдзинад чи равдыста, сæрмагонд æфсæддон операцийы уыцы архайджытæ сæ амæлæты фæстæ хорзæхджын æрцыдысты Лæгдзинады орденæй.
Хæрзиуджытæ дæттыны рæстæджы архайдтой РЦИ-Аланийы фæллой æмæ социалон рæзты министр Айдарты Алинæ æмæ йæ хæдивæг Маматы Анджелæ, республикæйы æфсæддон комиссары хæдивæг Абрил Абдуллаев, сæрмагонд æфсæддон операцийы архайджытæн æххуысы паддзахадон фонд «Фыдыбæстæ хъахъхъæнджытæ»-йы республикон филиалы директор Хетæгкаты Маринæ.
РЦИ-Аланийы
Сæргълæууæджы æмæ Хицауады
пресс-службæ
