Сывæллæттæ æмæ æвзонгты туризмы республикон центр фыццаг бынат бацахста горæт Тверы конкурс «Сувенир года»-йы кæронбæттæны.
Уый тыххæй йæ телеграм-каналы фехъусын кодта Цæгат Ирыстон-Аланийы ахуырад æмæ наукæйы министр Алыбегты Эллæ.
«Центры разамонæг Мæхæмæтты Петр, конкурсы равдыста проект «Нарты хъæзтытæ»-йы иу хай, уым уыдис стъолыл ахуыргæнæн хъазт «Нарты фæндæгтæ», стæй ма нæ республикæйы туристон ахуырадон иу хай равдыста сувенирты фæрцы», — ныффыста министр.
Уæрæсейы 75 регионæй æмæ Беларусæй æдæппæт конкурсы туристон сувениртæ æвдыст æрцыд 3222 авторæй.
Нæ уацхæссæг
