Цæгат Ирыстоны сæйраг горæтæй радон гуманитарон æрвыстæгтæ аластой фронтмæ. Уый тыххæй фехъусын кодта Дзæуджыхъæуы администрацийы пресс-службæ.
Сæрмагонд æфсæддон операцийы тæлммæ горæтæгтæ арвыстой хъахъхъæнæн хызтæ, ноутбук, уæлæдарæс, санитарон сыгъдæгдзинады фæрæзтæ, стæй хойраг – адджинæгтæ, мыд æмæ æндæртæ. Амæй размæ куыд уыд, афтæ та ныр дæр гуманитарон æххуыс Донбассмæ аласта горæты администрацийы минæвар, сæрмагонд æфсæддон операцийы архайджыты фыд Гæбæраты Годердзи.
Гæбæрайы-фыртæй уæлдай, фронтмæ æрвыст æрцыд «КамАЗ» гуманитарон уæзæгтимæ – нуазыны донимæ, хойраджы продукттимæ, æндæр хъæугæ дзаумæттимæ…
Ацы хатт гуманитарон æрвыстæгтæ æлхæд æрцыдысты Дзæуджы-
хъæуы администрацийы разамонæг Милдзыхты Вячеславы, сæрмагонд æфсæддон операцийы архайæг Хъайтыхъты Амиры (йæ фæсномыг – «Мир»), базарадон центр «Первомайский»-ы хицау Болæтты Виктор æмæ муниципалон куыстуат «Спецэкосервис»-ы коллективы рæдау æххуысы фæрцы.
Нæ уацхæссæг
