РЦИ-Аланийы Сæргълæууæг Сергей Меняйло архайдта Ахуыргæнæджы бонмæ Цæгат Ирыстоны хуыздæр ахуыргæнæ-джы кадæн арæзт мадзалы Сывæллæтты сфæл-дыстады галуаны.
Педагогтæн арфæ кæнгæйæ, Сергей Меняйло бахахх кодта, Цæгат
Ирыстон æмæ, æмткæй райсгæйæ, нæ бæстæйы фидæн цавæр уыдзæн, уый, ахуыргæнæджы дæсныйад чи равзæрста, уыдонæй аразгæ кæй у.
Республикæйы разамонæг зæрдиаг арфæ ракодта, Уæрæсейæн аккаг граждæнтæ чи схъомыл кодта, педагогон фæллойы уыцы ветерантæн.
– Ахуыргæнæг разæнгарддзинад æмæ цардыуаг у. Бирæтæ уыцы дæсныйадæн сæ цард снывонд кодтой. Фæлæ цы хъуыддаг равзæрста, уымæ фаг уарзондзинад кæмæ нæ разыны, уый дзы бирæ нæ бафæстиат вæййы. Сымах уæ зæрдæмæ хæстæг райсут, цы сывæллæтты ахуыр æмæ хъомыл кæнут, уыдоны. Сымахæй кæнгæ у, уæ хъомылгæнинæгтæ цæуыл æмæ куыд сахуыр уыдзысты. Алы ахуыргæнинагæн дæр уæ хъарутæ, рæстæг æмæ зæрдæйы хъарм кæй дæттут, уымæ гæсгæ сæ царды бацахсут ахсджиаг бынат. Уæ профессионалон бæрæгбоны фæдыл уын стыр арфæ кæнын æмæ уын бузныг зæгъын уæ зын, бæстон æмæ быхсон куысты тыххæй. Стыр бузныг уын! Мæ зæрдæ уын зæгъы фидар æнæниздзинад, æвидигæ уæлкурдиат, ног æнтыст-дзинæдтæ уæ куысты, сæйрагдæр та – арфæгæнæг ахуырдзаутæ! – загъта Цæгат Ирыстоны Сæргълæууæг.
Дарддæр Сергей Меняйло ахуырады къабазы кусджытæн ратта паддзахадон хæрзиуджытæ.
РЦИ-Аланийы Сæргълæууæджы указмæ гæсгæ æрыгон фæлтæры ахуыр æмæ хъомыладмæ стыр æвæрæн бахæссыны тыххæ майдан «Ирыстоны намысæн» лæвæрд æрцыд:
Цæгат Ирыстоны базарадон-экономикон колледжы директор Æбиты Валерийæн, фæндзæм профессионалон училищæйы директор Гаджиты Хъазыбегæн, Цæгат Кавказы арæзтадон техникумы директор Гуыриаты Георгийæн.
Наукæйы сгуыхтдзинæдтæ æмæ бирæазон æнтыстджын куысты тыххæй РЦИ-Аланийы наукæйы сгуыхт архайæджы кадджын ном лæвæрд æрцыд Цæгат Ирыстоны Хетæгкаты Къостайы номыл паддзахадон университеты фæсарæйнаг æвзæгты кафедрæйы разамонæг Дреты Джанеттæйæн.
Педагогон архайд æмæ бæрзонд профессионализмы сгуыхтдзинæдты тыххæй РЦИ-Аланийы сгуыхт ахуыргæнæджы ном райстой: Горæтгæрон районы Æнахъом натуралистты уæлæмхасæн ахуырады педагог Уалыты Ритæ, Хуымæллæджы хъæуы Социалистон Фæллойы Хъæбатыр Кокайты Саламджерийы номыл скъолайы физикон культурæ æмæ спорты ахуыргæнæг Дзампаты Барис, Ногиры хъæуы Хуыгайы-фырты номыл аивæдты скъолайы нывкæнынады ахуыргæнæг Хъайсынты Екатеринæ, горæт Дигорайы Къесаты Астаны номыл дыккæгæм скъолайы физикæйы ахуыргæнæг Хъодзасты Аннæ, горæт Мæздæджы Уæрæсейы Федерацийы Хъайтар К.Шишкины номыл æвдæм скъолайы технологийы ахуыргæнæг Нелли Лукожева, Октябрыхъæуы дыккæгæм скъолайы математикæйы ахуыргæнæг Плиты Ларисæ, горæт Беслæны æстæм скъолайы райдайæн кълæсты ахуыргæнæг Хæблиаты Иринæ.
Педагогон архайд æмæ бæрзонд профессионализмы сгуыхтдзинæдты тыххæй РЦИ-Аланийы ахуырады сгуыхт кусæджы кадджын ном лæвæрд æрцыд: Психологон-педагогон реабилитаци æмæ коррекцийы центры директор Брытъиаты Зæлинæйæн, Цæгат Кавказы аграрон-технологон колледжы мастер Гайты Заяйæн, Цæгат Ирыстоны Паддзахадон медицинон академийы ахуырадон-хъомылады куысты проректор, биологон химийы кафедрæйы разамонæг Аллæ Гуринайæн, ахуырадон центр «Интеллект»-ы хъомылгæнæг Дзоблаты Регинæйæн, Цæгат
Ирыстоны Хетæгкаты Къостайы номыл паддзахадон университеты алгебрæ æмæ анализы кафедрæйы профессор Хъойбайты Владимирæн, горæт Мæздæджы Сывæллæтты сфæлдыстады центры уæлæмхасæн ахуырады педагог Наталья Ломакинайæн, Дзæуджыхъæуы бирæфадатджын техникумы директоры хæдивæг
ахуырадон-хъомыладон куысты Мыкагъаты Иветæйæн, горæт Мæздæджы æстæм скъолайы директор Дмитрий Скрыльниковæн,
Дзæуджыхъæуы электроникæйы колледжы ахуыргæнæг Хуыбаты Мæдинæйæн.
Ахуыргæнджытæ сæхи рады республикæйы Сæргълæууæгæн арфæ ракодтой, ахуырадон къабазмæ хъусдард æмæ сæ куыстæн бæрзонд аргъы тыххæй.
ГАПБАТЫ Алетæ
