Беслæны поликлиникæ йæ дуæрттæ байгом кодта егъау бындурон цалцæджы фæстæ. Поликлиникæйы бæстыхай фыццаг хатт сног кодтой 40 азы фæстæ. Саив кодтой кабинеттæ æмæ иннæ уæттæ, баивтой инженерон хызтæ, бæстыхайы сæр, сарæзтой дзы ног артгæнæн æмæ трансформаторон подстанцæ.
Дохтырты хæрзвадат, æнтыстджын куыст æмæ рынчынты æнæниздзинадæн дзы сарæзтой, нырыккон домæнтæн дзуапп чи дæтты, ахæм уавæртæ. Поликлиникæйæн иу сменæмæ йæ бон æркæсын у 600 ас адæймаг æмæ 100 сывæллонмæ. Стыр æргом здæхт æрцыд нырыккон техникон фæрæзтæй поликлиникæ сифтонг кæныны хъуыддагмæ. Ног ифтонггарз æлхæд æрцыд национ проект «Дæргъвæтин æмæ активон цард»-ы фæлгæты. Сæвæрдтой дзы компьютерон томогрæф, маммогрæф, флюроогрæф æмæ æндæр хъæугæ аппараттæ.
Ныр Рахизфарсы цæрджытæн хæрзвадат уавæрты сæ бон райсын у хæрзхъæд медицинон æххуыс.
Хъойбайты Галинæ
