Ацы азы райдайæнæй сæрмагонд æфсæддон операцийы архайджытæ æмæ сæ бинонты уæнгтæй 200 фылдæр баулæфыдысты æмæ се ‘нæниздзинад фæфидардæр кодтой республикæйы санаториты.
Ам дзы алкæмæн дæр хицæн программæ саразынц дохтырты амынддзинæдтæм гæсгæ. Снысан сын кæнынц дзæбæхгæнæн процедурæтæ, физиотерапия, массаж, физкультурæ, дæттынц сын психологон æххуыс. Уый тыххæй йæ телеграм-каналы фехъусын кодта регионы Сæргълæууæг Сергей Меняйло.
Æппæт уыцы мадзæлттæ, куыд нæ хæстонтæн, Ирыстонмæ сыздæхгæйæ, афтæ сæ бинонтæн дæр ахъаз сты се ‘нæниздзинад æмæ тых фæфидардæр кæнынæн.
Уæлæмхасæн информаци райсын æмбæлы республикæйы районты социалон æххуысы управлениты кæнæ та фонд «Фыдыбæстæ хъахъхъæнджытæ»-йы регионалон дæлхайады.
БУТАТЫ Азæмæт
