Бетъырбухы ацыд горæты чемпионат понкратионæй. Фæуæлахиз дзы не ‘мзæххон — æнтыстджын спортсмен, æрыдойнаг сæрæн лæппу ПЕРСАТЫ Леван. Дарддæр йæхи цæттæ кæны Уæрæсейы чемпионатмæ, хæцдзæнис дзы Бетъырбухы номæй. Ерыстæ уыдзысты апрелы.
Леван йе ‘ргом спортмæ аздæхта æртын- дæсаздзыдæй. Къæпхæнгай иу уæлахизæй иннæмæ хизгæйæ, йæхи фæлтæрдта спорты алы хуызты: боксæй, хъæбысхæстæй, къахкъухæй хæстæй, грепплингæй, самбойæ. Ныр та йæхи бафæлвæрдта понкратионæй дæр. Фæсивæдæн уарзон сты спорты ацы хуызтæ. Понкратион æмæ грепплинг сæрмагондæй хаст сты Хъæбысхæсты дунеон федерацимæ.
Леван ныртæккæ Бетъырбухы йæхи цæттæ кæны ерыстæм. Уымæй размæ уæлахизтæм цыд йæ фæлтæрдджын тренертæ Илаты Марат æмæ Уататы Тамерланы разамындæй.
Фæсивæды царды рæсугъд фæндæгтæм хонгæйæ, Стъараполы цæрджытæ депутат Владимир Скиба, амалхъомтæ Андрей Ка- лашников, Хуыгаты Заза, Артем Петросов сæ уды фарн æмæ дзыппы бæркадæй æххуыс кæнынц нæ спортсментæн.
ХЕТÆГКАТЫ Оксанæ
