Цæгат Ирыстоны паддзахадон медицинон академийы уыд Терапевтты уæрæсейаг национ медицинон æхсæнады конференци «Актуальные вопросы пульмонологии в практике врача-терапевта».
Конференции арæзт уыд терапевтты уæрæсейаг национ медицинон æхсæнады ахуырадон программæтæ æххæст кæныны фæлгæты. Сæрдариуæг дзы кодта медакадемийы ректор Олег Ремизов. Наукон форумы архайдтой нæ республикæйы дзæбæхгæнæндæтты терапевттæй кусæг сæдæ дохтыры, стæй академийы кафедрæты кусджытæ, интернтæ æмæ ординатортæ.
Лекциты ныхас цыд улæфæнты æппæтæй арæхдæр æмбæлæг низтыл æмæ сæ дзæбæхкæнынадыл.
Конференцийы æрмæджытæ царды уадзгæйæ, нæ республикæйы кусæг дохтыртæн рæхджы уыдзæн нырыккон медицинон технологитæй пайда кæныны фадат.
ЦИПМА-йы пресс-службæ
