Информацион технологитимæ базонгæ уыдзысты Республикæ Цæгат Ирыстон-Аланийы Сæргълæууæг БИТАРТЫ Вячеслав архайдта æппæтуæрæсеон акци «Фæндиæгты зазбæлас»-ы. Акцийæн йæ нысан у, царды зын уавæрты чи бахауд, уыдоны лыггæнинаг фарстатæм адæмы æргом раздахын. Ныхас фыццаджыдæр цæуы, се ‘нæниздзинадмæ гæсгæ сæ авналæнтæ цыбыр кæмæн сты, ахæм адæмыл, сидзæртыл æмæ бирæ бинонтæй рацæуæг сывæллæттыл.
«Фæндæттæ æххæстгæнæг» дыууæ нæзы бæласы æвæрд æрцыдысты Кремлы, бархион змæлд райрæзын кæныны тыххæй Паддзахадон Совет æмбырд кæй сарæзта, уый фæдыл. Ног азы бæрæгбонимæ баст уыцы мадзалы архайдтой Уæрæсейы Федерацийы æппæт субъектты разамонджытæ. Акцийæн йæ уагæвæрдмæ гæсгæ йæ архайджытæ бæласæй хъуамæ æристаиккой хъазæн тымбылæгтæ, алкæцыйы дæр дзы фыст уыд алы регионты цæрджыты фæндæттæ. Тымбылæджы-иу цы фæндон разынд, уый 2019 азы у æххæстгæнинаг. Æртæ ахæм шары нæзы бæласæй æриста нæ республикæйы Сæргълæууæг Битарты Вячеслав.
Сывæллæтты фæндæттæ æххæст кæнгæйæ РЦИ-Аланийы Сæргълæууæджы цур Сывæллæтты барты фæдыл æххæстбарджын Кокайты Артур Цыколайы 3-æм астæуккаг скъолайы 3-æм къласы ахуырдзау Малиты Мæдинæйæн балæвар кодта электрон тыхæй кусæг коляскæ, 9-аздзыд Дзабиты Денисæн — реабилитацигæнæн велосипед, Мæхъæлы Экажевойы хъæуы цæрæг Хусейн Измаилов та лæварæн райста компьютер æмæ къæлæтджын-коляскæ.
— Цæгат Кавказы федералон зылды æппæт субъектты сæргълæуджытæ дæр архайдтой ацы акцийы. Нæ хæс у, царды зын уавæрты чи бахауд, уыцы сывæллæттæн æххуыс кæнын. Æмæ æхсызгон у, ахæм акци арæзт кæй æрцыд æмæ сывæллæттæн уæлдай хатт баххуыс кæныны гæнæн кæй уыд. Сывæллæттæн сæ фæндæттæ æххæст кæнынц, æмæ сæ цæсгæмттыл циндзинады рухс кæй фæзынд, уымæй æхсызгондæр ницы ис, — загъта Цæгат Ирыстоны Сæргълæууæг Битарты Вячеслав.
РЦИ-Аланийы Сæргълæууæджы æмæ РЦИ-Аланийы Хицауады пресс-службæ
