1 апрелы Дзæуджыхъæуы иуварс кæнын райдыдтой æнæзакъонæй æвæрд базарадон объекттæ.
Уынгты æвæрд æнæстационарон базарадон объекттæм кусыны бар сын дæттæг гæххæттытæ ис æви нæй, Рахизфарсы префектурæйы административон-техникон инспекцийы кусджытæ уый рабæрæг кодтой. Коммерцион архайд æххæст кæныны бардæттæг гæххæттытæ чи дæтты, ацы азы райдайæнæй нырмæ инспекци æмгуыст кæны горæты администрацийы экономикæйы, амалиуæгад æмæ инвестицион проектты уыцы управлениимæ. Закъон халгæйæ, æнæ бардæттæг гæххæттытæй чи куыста, административон-техникон инспекцийы кусджытæ цæстдарæн мадзæлтты рæстæг уыцы æнæстационарон базарадон объектты хицæуттæн уавæр бамбарын кодтой.
Инспекцион балцы рæстæг амынд префектурæйы территорийыл рабæрæг 48 киоскы, 9 павильоны, 55 терминалы æмæ 1 кофе-аппарат.
Ныридæгæн уæлдæрамынд объектты хицæуттæй иуæй-иутæ аиппытæ аиуварс кодтой (ома, бадзырдтæ ногæй сфидар кодтой, науæд æнæзакъонæй æвæрд объекттæ аластой). Фæлæ иуæй-иутæ закъоны домæнтæ не ‘ххæст кæнынц. Къамисы уæнгтæ æнæстационарон базарадон объекттæ æнæзакъонæй сæвæрæг адæмыл сарæзтой 20 суагъæйæ фылдæр.
Дзæуджыхъæуы администрацийы пресс-службæ
