Цӕгат Ирыстоны зынаргъ цӕрджытӕ!
Арфӕ уын кӕнын зынгӕ бӕрӕгбон — Уӕрӕсейы Федерацийы Паддзахадон тырысайы боны фӕдыл!
Дӕс ӕмӕ ссӕдз азы чысыл хъуаг ӕртӕхуызон тырыса у ногдӕргонд Уӕрӕсейы ӕнӕивгӕ нысан, ӕвдисы нӕ бирӕнацион бӕстӕйы цӕрӕг ӕппӕт адӕмты ӕнӕхӕлгӕ иудзинад, хӕлардзинад ӕмӕ ӕфсымӕрдзинад.
Сӕрыстыр стӕм, йӕ алы фарс дӕр ӕнахуыр ахсджиаг цаутӕй, намысджын нӕмттӕй, иубӕстон адӕмы фӕллойадон уӕлахиздзинӕдтӕй дзаг кӕмӕн у, уыцы стыр паддзахадмӕ ӕмӕ йӕ хъӕбатыр историмӕ мах дӕр кӕй хауӕм, уымӕй.
Гимн ӕмӕ Гербимӕ Паддзахадон тырыса канд хицаудзинады атрибутикӕ нӕу, фӕлӕ ма у, Райгуырӕн бӕстӕйы фарнӕн нӕ ног сгуыхтдзинӕдтӕм экономикӕйы, наукӕйы, аивады, спорты разӕнгард чи кӕны, ахӕм ӕгӕрон тых дӕр.
Уӕдӕ тырндзыстӕм, махӕй цы аразгӕ у, уый ӕппӕт фӕрӕзтӕй дӕр ӕххӕст кӕнынмӕ, цӕмӕй нӕ уарзон бӕстӕ дидинӕг кала, фидардӕр кӕна, куыд тыхджын, хъомысджын ӕмӕ цытджын паддзахад, афтӕ, цӕмӕй йӕ алы гражданин дӕр йӕхи ӕнкъара амондджынӕй ӕмӕ дунейы алы ран дӕр сӕрыстырӕй йӕ бон зӕгъын уа: «ӕз дӕн уӕрӕсейаг!»
Мӕ зӕрдӕ уын ӕнтыстдзинӕдтӕ зӕгъы уӕ куысты ӕмӕ уӕ царды, мӕ зынаргъ иубӕстон адӕм. Амондджын ӕмӕ фӕрнджын уӕнт нӕ уарзон Ирыстон ӕмӕ ӕппӕт стыр Уӕрӕсе дӕр.
Битарты Вячеслав,
Республикӕ Цӕгат Ирыстон-Аланийы Сӕргълӕууӕг
Зынаргъ ӕмбӕстӕгтӕ!
Уӕрӕсейы Федерацийы Паддзахадон тырысайы бон у нӕ ныййарӕг зӕхмӕ уарзондзинад нысангӕнӕг бӕрӕгбон. Уым сты сӕрыстырдзинад нӕ адӕмы хъӕбатыр историйӕ ӕмӕ бӕстӕйы фидӕнмӕ бӕрнон цӕстӕй кӕсыны ахастдзинӕдтӕ.
Уӕрӕсейы ӕртӕхуызон тырыса у не стыр бӕстӕйы нысан. Хъысмӕт ӕй баппӕрста бирӕ фӕлварӕнты, фӕлӕ сын кад ӕмӕ аккаг хуызы ныффӕрӕзта, стӕй сын ныхкъуырд дӕр радта урс — ӕрвхуыз ӕмӕ сырх тырысайы бын. Нӕ сӕйраг хӕзнатӕ та уыдысты бирӕнацион адӕмы патриотизм, иудзинад ӕмӕ ӕнгомдзинад уӕрӕсейӕгты алы фӕлтӕрты ӕфсӕддон ӕмӕ фӕллойадон намысы сӕраппонд. Ӕнусты размӕ куыд уыдис, афтӕ та ныр дӕр бӕстӕйы тырыса у паддзахады сӕрибардзинады ӕмӕ хӕдбардзинады бӕрӕггӕнӕн, ӕмӕ нӕ абон разӕнгард кӕны фӕллойадон уӕлахизтӕм, наукон, культурон ӕмӕ спортивон стыр сгуыхтдзинӕдтӕм.
Фидарӕй зӕгъӕн ис: ацы бӕрӕгбон ма нын иу хатт нӕ зӕрдыл лӕууын кӕны, алы уӕрӕсейаг дӕр бӕрнон кӕй у йӕ Райгуырӕн бӕстӕйы хъысмӕты раз. Уый та фидар бындур у нӕ бӕстӕйы хъомысӕн, ӕмӕ йӕм Ирыстоны цӕрджытӕ хӕссынц аккаг ӕвӕрӕн.
Мӕ зынаргъ ӕмбӕстӕгтӕ! Мӕ зӕрдӕ уын зӕгъы фидар ӕнӕниздзинад, амонд ӕмӕ бинонты фӕрныгад, цӕмӕй уӕ рӕсугъд фӕндтӕ ӕххӕстгонд ӕрцӕуой царды, профессион ӕмӕ сфӕлдыстадон ӕнтыстдзинӕдтӕ уӕ къухты бафтӕнт.
Алексей Мачнев,
Республикӕ Цӕгат Ирыстон-Аланийы Парламенты Сӕрдар
