Горӕт Пятигорскы кусӕг фембӕлд уыд УФ-йы Генералон прокуроры хӕдивӕг Дмитрий Демешин ӕмӕ Хуссар Ирыстоны Генералон прокурор Дзӕгъиаты Уырызмӕгӕн.
Фембӕлды райдайӕны Дмитрий Демешин куыд фӕнысан кодта, афтӕмӕй дыууӕ бӕстӕйы ‘хсӕн ӕнгом ахастдзинӕдтӕн ахъаз кӕны прокуратурӕйы кусджыты бӕстон ӕмархайд дӕр. Дыууӕ бӕстӕйы прокуратурӕтӕ иумӕйаг хъарутӕй лыг кӕнынц ӕхсӕнадон ӕмӕ национ ӕдасдзинады фарстытӕ.
Дмитрий Демешин ӕмӕ Дзӕгъиаты Уырызмӕг куыд фӕнысан кодтой, афтӕмӕй дыууӕ бӕстӕйы ‘хсӕн ахастдзинӕдтӕ хицӕн кӕнынц уӕлдай ӕууӕнк ӕмӕ зӕрдиаг ахастӕй. Уыимӕ, Хуссар Ирыстоны Генералон прокуроры ныхасмӕ гӕсгӕ, уӕрӕсейаг специалистты фӕлтӕрддзинад ахъаз у республикӕйы прокуратурӕйы кусджыты профессионалон дӕсныдзинад бӕрзонддӕр кӕнынӕн. Уыимӕ, Хуссар Ирыстоны минӕвӕрттӕн ис УФ-йы Генералон прокуратурӕйы университеты сахуыр кӕныны фадат дӕр.
Нӕ уацхӕссӕг
