Скъоладзауты ӕппӕтуӕрӕсеон олимпиадӕмӕ

0
115

Республикӕйы физикон-математикон лицей-интернаты бындурыл арӕзт ахуырадон семинары архайӕг ахуырдзаутӕ математикӕйӕ сӕхи цӕттӕ кӕнынц скъоладзауты ӕппӕтуӕрӕсеон олимпиадӕйы регионалон хаймӕ.

Муниципалон ӕмвӕзыл хуыздӕр бӕрӕггӕнӕнтӕ равдисӕг 37 скъоладзауы ахуыр кӕнынц Мӕскуыйы физикон-техникон институты ахуыргӕнджытӕ Глеб Дильман ӕмӕ Павел Черепанов.

— Скъоладзауты ӕппӕтуӕрӕсеон олимпиадӕйы регионалон хайы ӕнтыстджынӕй архайынӕн ӕмбӕлы иудадзыг практикон ахуырад цӕуын. Кӕй ӕрбахуыдтам, уыцы дыууӕ мӕскуыйаг педагогы олимпиадӕты архайджытимӕ куыстой, канд уый нӕ, фӕлӕ ма ахуырдзаутӕ алыхуызон интеллектуалон ерысты ӕнтыстдзинӕдтӕ дӕр равдыстой. Ацы фӕлтӕрдджын ахуыргӕнджытӕ нӕ фӕсивӕды хорз кӕй бацӕттӕ кӕндзысты, ууыл нӕ зӕрдӕ дарӕм. Фӕнды нӕ Мӕскуыйы ахуырадон центр «Коалиция»-имӕ ӕмгуыст кӕнын. Нӕ зӕрды ис ӕппӕтуӕрӕсеон олимпиадӕйы архайӕг скъоладзауты Мӕскуымӕ биноныг курсыты фӕрцы ахуырад райсынмӕ арвитын. Ацы курсыты руаджы скъоладзаутӕн уыдзӕн бындурон ахуырадимӕ базонгӕ уӕвыны ӕмӕ сӕ хъарутӕ бафӕлварыны фадат, — зӕгъы Цӕгат Ирыстоны ахуырад ӕмӕ наукӕйы министр Людмилӕ Башарина.

Уӕ зӕрдыл уын лӕууын кӕнӕм, скъоладзауты ӕппӕтуӕрӕсеон олимпиадӕ райдайдзӕн иннӕ аз 10 январы ӕмӕ фӕуыдзӕн 22 февралы. Олимпиадӕйы регионалон хайы архайынц муниципалон хайы бӕрӕггӕнӕнтӕм гӕсгӕ баллты ӕмбӕлгӕ нымӕц ӕрӕмбырдгӕнӕг скъоладзаутӕ ӕмӕ ивгъуыд азы регионалон хайы призертӕ.

Скъоладзауты ӕппӕтуӕрӕсеон олимпиадӕйы дипломтӕ ахуырдзаутӕн дӕттынц Уӕрӕсейы цыфӕнды уӕлдӕр скъоламӕ дӕр ӕнӕ фӕлварӕнтӕй бацӕуыны бар.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here