Цæгат Ирыстоны Сæргълæууæг Битарты Вячеслав раарфæ кодта фæсивæды æхсæн къахдзоныгътыл кæфтытæй дунейы чемпионаты бронзæйаг призер Санаты Елизаветæйæн.
«Сæйраг спортивон æнтыстдзинæдтæ кæмæ æнхъæлмæ кæсынц, мæ зæрдæ уыцы фигуристкæ, Елизаветæйæн, зæгъы ног уæлахизтæ, уыимæ бæллиццаг олимпаг сыгъзæрин майдан куыд рамбула, афтæ», — фыссы Битары-фырт instagram-ы йæхи фарсы.
Фиппаинаг: 175,17 баллы æрæмбырд кæнгæйæ, уæрæсейаг фигуристтæ, Санаты Елизаветæ æмæ Дэвид Нарижный, Таллины къахдзоныгътыл кæфтытæй дунейы чемпионаты бацахстой æртыккаг бынат.
