Коронавирусы ныхмæ тохы фæдыл Уæрæсейы Хицауады цæстдарæг советы æмбырды ныхас кæнгæйæ, вице-премьер Татьянæ ГОЛИКОВА куыд фехъусын кодта, афтæмæй ацы аз Иумæйаг паддзахадон фæлварæн æмгъуыдæй раздæр райдайыны афон фæстæдæрмæ аргъæвдзысты.
— Иумæйаг паддзахадон фæлварæн радтынмæ æмæ уæлдæр ахуыргæнæндæттæм бацæуынмæ чи хъавы, уыцы адæмы нæ фæкъуылымпы кæндзысты фæлварæны фæткмæ хаст ивддзинæдтæ, — загъта Татьянæ Голикова.
Ацы аз Иумæйаг паддзахадон фæлварæны æмгъуыдæй раздæр афон хъуамæ райдыдтаид 20 мартъийы æмæ фæуыдаид 13 апрелы. Пъланмæ гæсгæ, фæлварæны сæйраг афон цæудзæн 25 майæ 29 июны онг.
