Грипп æмæ вирусон инфекцийы фæзындтытæ кæмæ ис, кæнæ суазалы фæстæ йæ тæвд уæлæмæ кæмæн схызт, хуыфгæ чи кæны, йæ хъуыртæ, йæ сæр кæмæн риссынц, йæхи лæмæгъ æмæ уæнгмардæй чи æнкъары, уыдон хъуамæ дохтырмæ фæдзурой хæдзармæ.
Цыдæриддæр дохтыр ныффысса, уыцы амынддзинæдтæ хъæуы æххæст кæнын. Адæймаг фæстаг дыууæ къуырийы дæргъы кæд коронавирусон инфекци цы бæстæты фæзынд, уым уыд, уæд уый тыххæй æвæстиатæй фехъусын кæнын хъæуы медицинон кусджытæн. Хъуамæ дохтыр рахæсса уынаффæ, ног коронавирусон инфекци раиртасынæн рынчыны лабораторимæ æрвитын хъæуы æви нæ.
Уыцы ран пайда кæнынц, Уæрæсейы регистрацигонд чи ‘рцыд, ахæм тесттæй. Ног коронавирусы тыххæй фарстытæн дзуаппытæ райсыны тыххæй Уæрæсейы кусы иугонд телефоны бастдзинад. Суткæйы дæргъы бадзурæн ис ахæм телефонæй: 8-800-2000-112 (лæвар).
Цæмæй ног инфекци адæймагыл ма бахæца, уый тыххæй фæдзæхсынц:
— сапонимæ арæхдæр къухтæ æхсын;
— æнæхсад къухтæй цæсгоммæ æвналæн нæй;
— грипп æмæ æндæр инфекцийы фæзындтытимæ адæмимæ къаддæр æмбæлын;
— коронавирусимæ тæссаг эпидемиологон уавæримæ бæстæтæм ма цæут (Китай, Хуссар Корей, Итали, Иран).
