Дзæуджыхъæуы администрацийы кусджытæ иудадзыг архайынц æнæзакъонæй арæзт базарадон объектты фарст алыг кæныныл. Æрæджы иуварсгонд æрцыдысты, административон-техникон инспекци горæты Рахизфарсы районы цы терминалтæ рабæрæг кодта, уыдон.
— Нæ инспекцийы рейдты фæрцы рабæрæг сты æнæзакъон базарады 30 объекты бæрц (уыдоны ‘хсæн — киосктæ, павильонтæ, фиддонты терминалтæ æмæ къофи-аппараттæ). Ныридæгæн ацы объектты хицæуттæй иуæй-иутæ аиппытæ аиуварс кодтой — ома, горæты администрациимæ бадзырдтæ сфидар кодтой, кæнæ æнæзакъонæй арæзт объекттæ райхæлдтой, — зæгъы Дзæуджыхъæуы Рахизфарсы префектурæйы административон-техникон инспекцийы хайады хицауы хæдивæг Саламты Эрик.
Фæлæ иуæй-иу адæймæгтæ закъон не ‘ххæст кæнынц. Ныридæгæн инспекцийы уæнгтæ рахастой базарадон объекттæ æнæзакъонæй сæвæрæг адæймæгтæй административон бæрнондзинад бадомыны тыххæй 30 уынаффæйæ фылдæр