Районы администрацийы сæргълæууæг Лагкуты Омар куыд фехъусын кодта, афтæмæй бындурон цалцæджы фæстæ ногæй байгом кодтой Сырх-Дыгуры Культурæйы хæдзар.
— Ис дзы библиотекæ, кусæнуæттæ æмæ концертон зал 200 бынатæн. Сырх-Дыгуры цæрæг адæм сæ хъæуы Культурæйы хæдзармæ арæх æрбацæуынц. Ацы хъæуæй рацыд сфæлдыстадимæ баст бирæ адæймæгтæ, ис дзы курдиатджын фæсивæд, — зæгъы Лагкуйы-фырт.
Цалцæггæнæн куыстытæ конд æрцыдысты национ проект «Культурæ»-мæ гæсгæ. Бахардз сыл кодтой 10 милуан сомы.
Бынæттон бюджеты хардзæй сценикон уæлæдарæс балхæнынæн радих кодтой 500 мин сомæй фылдæр. Хæрзхъæд цалцæггæнæн куыстыты тыххæй сырхдыгурæгтæ Цæгат Ирыстоны разамындæн загътой стыр бузныг.
Фиппаинаг: Сырх-Дыгуры Культурæйы хæдзар сарæзтой 1930 азы æмæ базæронд. Бындуронæй йæ сцалцæг кодтой хъæуы цæрæг адæмы куырдиатмæ гæсгæ.
