Федералон Хицауады æмвæзадыл коронавирусы низ апарахат кæныны ныхмæ цы гæрæнтæ æмæ сæрмагонд санитарон фæтк æвæрд æрцыд, уыдон нын фадат дæттынц, цæмæй бавналæм хииппæрддзинады фæтк къæпхæнгай сисыны хъуыддагмæ.
Ахæм хъуыдыимæ раныхас кодта УФ-йы Президент Владимир Путин.
«Кæй зæгъын æй хъæуы, бæстæйы регионты сæвзæргæ эпидемиологон уавæры ис бæлвырд хицæндзинæдтæ. Æмæ, фыццаджы-фыццагдæр, хъуамæ хыгъд цæуа бынæттон эпидемиологон уавæр, хииппæрддзинады фæтк æмæ санитарон домæнтæ фæрогдæр кæныны фæдыл уынаффæ хæсгæйæ. Ахæм уынаффæтæ хæсгæйæ, фыццаградон хъуамæ уой адæмы æдасдзинады фарстытæ», — фæнысан кодта Президент.
