Цæгат Ирыстоны Æнæниздзинад хъахъхъæнынады министрады специалистты хатдзæгмæ гæсгæ, нæ республикæ коронавирус хæлиу кæнынимæ баст карантины мадзæлттæ фæрогдæр кæнынмæ цæттæ нæма у.
— Карантины фæтк нæм 31 майы онг адаргъ кодтой. Специалисттæ уавæр иудадзыг иртасынц æмæ ацы мæйы кæронмæ иуæй-иу хатдзæгтæ скæндзыстæм. Æрвылбон рынчынты нымæцыл кæй æфты, уый тыххæй карантины фæтк аивынмæ цæттæ нæма стæм, — загъта ведомствæйы минæвар.
