Ахуырады къабазы раздзогтӕ

0
55
????????????????????????????????????

Зындгонд куыд у, афтӕмӕй ӕрӕджы хыгъд ӕрцыдысты Ахуырады къабазы хуыздӕр организацитӕ сбӕрӕг кӕныны фӕдыл ӕппӕтуӕрӕсеон конкурсы бӕрӕггӕнӕнтӕ. Иннӕ уӕрӕсейаг организацитимӕ конкурсы уӕлахиздзаутӕ систы дыууӕ цӕгатирыстойнаг ахуырадон кусӕндоны.

Уыдон сты — ахуырадон центр «ӕууӕнк» (Дзӕуджыхъӕу) ӕмӕ Беслӕны 16-ӕм рӕвдауӕндон.

Ӕмӕ ныр Цӕгат Ирыстоны Ахуырад ӕмӕ наукӕйы министрады цы ӕхсызгон фембӕлд уыд, уым конкурсы уӕлахиздзаутӕн радтой сӕ дипломтӕ.

Ахуырад ӕмӕ наукӕйы министры хӕдивӕг Алыккаты Алан арфӕтӕ ракодта центр «ӕууӕнк»-йы директоры хӕдивӕг Еленӕ Гриненко ӕмӕ Беслӕны 16-ӕм рӕвдауӕндоны хицауы хӕдивӕг Еленӕ Киселевайӕн, сӕ коллективтӕ ӕппӕтуӕрӕсеон конкурсы ӕнтыстджын архайд кӕй равдыстой, уый фӕдыл.

«Кӕй зӕгъын ӕй хъӕуы, нӕ республикӕйы ахуырадон кусӕндӕттӕ ӕппӕтуӕрӕсеон конкурсты хъомысджын архайд кӕй ӕвдисынц, уый раппӕлинаг хъуыддаг у. Уыимӕ, кӕй зӕгъын ӕй хъӕуы, ӕппӕтвӕрсыг мадзӕлттӕ араздзыстӕм амӕй фӕстӕмӕ дӕр, цӕмӕй цӕгатирыстойнаг рӕвдауӕндӕттӕ, скъолатӕ, уӕлӕмхасӕн ахуырады кусӕндӕттӕ уӕрӕхдӕр архайой ахӕм конкурсты — уый фӕрцы сын уыдзӕн сӕ фӕлтӕрддзинад парахатдӕр кӕныны, стӕй иннӕ регионты специалистты программӕтимӕ хуыздӕр зонгӕ кӕныны фадӕттӕ. Абон та уал зӕрдиаг арфӕ кӕнын конкурсы уӕлахиздзаутӕ — центр «ӕууӕнк» ӕмӕ Беслӕны 16-ӕм рӕвдауӕндоны коллективтӕн. Ноджы стырдӕр ӕнтыстдзинӕдтӕ уӕ къухы ӕфтӕнт», — загъта министры хӕдивӕг.

Конкурсы уӕлахиздзаутӕн саккаг кодтой грамотӕтӕ ӕмӕ ахуырадон лӕггӕдтӕ райсыны тыххӕй сӕрмагонд сертификаттӕ.

Гӕлӕуты Наталья

ОСТАВЬТЕ ОТВЕТ

Please enter your comment!
Please enter your name here