0
6

Профилон ахуырад, энергетикон фæрæзты фиддонтæ æмæ æндæр фарстытæ

Цæгат Ирыстоны Сæргълæууæг Битарты Вячеславы разамындæй цы уæрæх æмбырд уыд, уым ныхас цыд республикæйы хицауады æмæ бынæттон хиуынаффæйады оргæнты æмархайдыл, стæй æрвылбоны царды ахсджиаг фарстытыл.

Ахуырад æмæ зонады министр Людмилæ Башарина æмбырды архайджыты размæ рахаста хистæр кълæсты скъоладзауты ‘хсæн дæсныйад æвзарыны куыст æмæ фæллойадон иугæндтæ аразыны фæдыл республикон программæйы проект. Министры ныхасмæ гæсгæ, гæххæтты уагæвæрды сæрмагондæй бæрæггонд æрцæудзысты фæсивæды ‘хсæн профориентацион куысты нысантæ, уыимæ, уæлдай æргом здæхт æрцæудзæн, цæмæй рæзгæ фæлтæр æмхицдæр уой аграрон-промышленнон комплексы дæсныйæдтыл ахуырмæ. Кæй зæгъын æй хъæуы, уыцы æууæл ахъаз уыдзæн фæсивæды фæллойадон хъомыладæн дæр.

Людмилæ Башарина куыд радзырдта, афтæмæй программæйы проектмæ сæ фиппаинæгтæ æмæ фæндæттæ бахастой муниципалитеттæ дæр. Æмæ ныридæгæн программæйы иуæй-иу уагæвæрдтæ фæлварæны хуызы æххæстгонд цæуынц. Зæгъæм, агропромышленнон ахуырады къабазы иумæйаг куыстыл ныридæгæн баныхас кодтой Кировы районы Змейкæйы хъæуы скъола æмæ Елхоты аграрон техникум. Районы разамонæг Нæкуысаты Барисы ныхасмæ гæсгæ, фæлварæн проекты бæрæггæнæнтæ зæрдæдаргæ сты. Ныр уыцы фæлтæрддзинадæй спайда кæндзысты районы иннæ ахуырадон кусæндæттæ дæр.

Фарстыл дзургæйæ, Битарты Вячеслав куыд фæнысан кодта, афтæмæй ахæм дæсныйад æвзарыны мадзæлттæ хъуамæ арæзт æрцæуой иннæ районты дæр. Республикæйы разамонæг районты бæрнон кусджытæн бахæс кодта, цæмæй уыцы фарстыл бакусой Ахуырад æмæ наукæйы министрадимæ иумæ.

Æмбырды архайджытæ се ‘ргом аздæхтой, хардзгонд энергетикон фæрæзты фиддонтæ куыд æххæстгонд цæуынц, уымæ дæр. Ацы фарсты фæдыл раныхас кодтой компанитæ «Газпром межрегионгаз Дзæуджыхъæу»-ы генералон директор Хъодзаты Алан æмæ «Цæгкавказэнерго»-йы директор Таболты Алыксандр, стæй муниципалитетты минæвæрттæ. Дзуаппон докладтæм байхъусгæйæ, Битарты Вячеслав куыд фæнысан кодта, афтæмæй фиддонты фæтк хъуамæ æнæкъуыхцыйæ æххæстгонд цæуа, уыимæ, районты æмæ республикон бюджетты бæрны цы организацитæ ис, уыдон дæр хъуамæ афойнадыл сæ хæстæ сæхгæныныл кусой.

Фембæлды архайджытæ æрдзырдтой æндæр ахсджиаг фарстытыл дæр.


РЦИ-Аланийы

Сæргълæууæджы æмæ

Хицауады

пресс-службæ

 

ОСТАВЬТЕ ОТВЕТ

Please enter your comment!
Please enter your name here