Æдасдзинады уавæртæ

0
15

Цæгат Ирыстоны барадон фæтк бахъахъхъæныны координацион къамисы æмбырды РЦИ-Аланийы Сæргълæууæг Сергей Меняйло æвзæрстыты рæстæг æдасдзинады фарстатæ рæгъмæ рахаста.

Нæ республикæйы 10-11 сентябры Парламентмæ æвзардзысты депутаттæ, 150 æвзарæн къамисы та адæм сæ хъæлæстæ ратдзысты бынæттон хиуынаффæйады оргæнтæм минæвæрттæ равзарыны тыххæй. Уыцы хъуыддæгты хъуамæ архайой 515774 æвзарæджы.
Мидхъуыддæгты министрады æхсæнадон уаг хъахъхъæныны пъæлицæйы хицауы хæдивæг Альберт Сабанаев, Уæрæсейы Национ гвардийы регионалон управленийы хицау Валерий Голота, Æнæнхъæлæджы уавæрты министрады регионалон сæйраг управленийы хицау Александр Хоружий радзырдтой, хъæлæс кæныны размæ æдасдзинад бахъахъхъæнынæн цы мадзæлттæ сарæзтой, уый тыххæй.
Æппæт æвзарæн къамистæ сбæрæг кодтой, цы аипдзинæдтæ дзы раиртæстой, уыдон иуварсгонд æрцыдысты. Ныртæккæ кæсынц æвзарæн бынæтты инженерон-техникон цæттæдзинадмæ, физикон æгъдауæй хъахъхъæныны фарста æвзарынц. Моргуаты Жаннæ куыд радзырдта, афтæмæй æппæт æвзарæн хæйттæ æххæст сты видеоцæстдарды фæрæзтæй, згъæртæ иртасджытæ дзы ис. Баластой сæм бюллетентæ, хъахъхъæд цæуынц суткæйы дæргъы.
Дарддæр, республикæйы сæрты цæуæг стыр уæзласæн машинæтæн электронон рад саразыныл æрныхас кодтой. «Хъуамæ уыцы куыст хуыздæр кæнæм, цавæрдæр барадхæлдытытæ чи ‘руадзы, уыдон та æфхæрд æййафой. Алчидæр йæ куыстадон бартæм гæсгæ хъуамæ йæ хæстæ æххæст кæна, маршрут куыд цæуы, уый тыххæй хабæрттæ ведомствæты ‘хсæн кæрæдзимæ æрвитой. Фæндагон змæлд аразыны центры кусджытæм фæзындзысты видеофиксатортæ, алцыдæр уыдзæн æргом», — загъта рес- публикæйы Сæргълæууæг.


РЦИ-Аланийы
Сæргълæууæджы æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here