«Мамысон»-ы арæзтад

0
24

РЦИ-Аланийы Сæргълæууæг Сергей Меняйло скодта, туристон-рекреацион комплекс «Мамысон»ы инвестицион проект царды рауадзынимæ баст æмбырд. Ныхасы архайдтой бæрнон ведомствæты минæвæрттæ, семæ — акционерон æхсæнад «Кавказ»-ы генералон директор Хасан Тимижев.

 Рæгъмæ рахастой объекты проекты фарстатæ, фæндæгтæ, тъунелы арæзтад, электрон тыхдæттæг, донуадзæн, газы, бастдзинады хызтæ бауадзыны нысантæ. Ныртæккæ «Мамысон»-ы транспортон æмæ инженерон инфраструктурæ арæзт цæуы. Фæндæгты хæдзарады æмæ транспортон инфраструктурæйы комитеты сæрдар Солиты Тариэл куыд радзырдта, афтæмæй 2023-2024 азты хъуамæ саразой æртæ фæндагон объекты.
«Уыцы нысантæн нын Уæрæсейы Хицауады фæстауæрцон фондæй радих кодтой 865 милуан сомы, уыдон ацы азæн. Уæрæсейы Транспорты министрад æмæ «Росавтодор» ныртæккæ æвзарынц, федералон бюджетæй 2023 азы 721 милуан сомы радих кæныны фарста», — загъта Солийы-фырт.
Инженерон инфраструктурæ саразыны тыххæй цæрæнуатон-коммуналон хæдзарад, артаг æмæ энергетикæйы министр Таматы Майрæн куыд фехъусын кодта, афтæмæй ныртæккæ «Мамысон»-ы донисæнтæм электрон тых балæвæрдтой рæстæгмæйы хызтыл. Газ бадæттыны нысанæн проект аразынц. Стыр æргом аздæхтой, хъахъхъæдцæуæг «Мамысон»-ы экономикон фæзуаты цы æнæзакъон бæстыхæйттæ, æртыккаг адæймæгты бартæ цы объекттыл цæуынц, æмæ бынаты цы культурон бынтæ ис, уыдонмæ.
Республикæйы Сæргълæууæг куыд бафиппайдта, афтæмæй хъуамæ курорты фæзына музейон комплекс. «Уый раст истори уыдзæн, хъуамæ саразæм, æппæт историон цыртдзæвæнтæ кæдæм бахæссæн ис, ахæм иугонд. Нæ тыхтæ хъуамæ саразæм историон бынтæ бахъахъхъæнынмæ, приватизаци кæнæн сæ нæй», — фæбæрæг кодта республикæйы Сæргълæууæг.
Культурон бынтæ бахъахъхъæныны мадзæлттæ ныридæгæн райдыдтой. Экономикон сæрмагонд бынаты сты 48, хъæуы сæ рацаразын, консерваци сын скæнын æмæ сæ музейы хай бакæнын. Хасан Тимижев куыд радзырдта, афтæмæй ахæм хъомысджын проекттæ царды уадзгæйæ фæзыны алыхуызон фарстатæ. «Хæххон бынæтты аразын æнцон нæу, хъуамæ фарстатæ бынаты лыггонд цæуой. Ома, тъунелы рацарæзт сæххæст кæнын, коммуникацитæ бауадзын, культурон бынтæ бахъахъхъæнын», — загъта «Кавказ»-ы генералон директор.

РЦИ-Аланийы
Сæргълæууæджы æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here