Хъæугæ æлхæнинæгтæ кæныны фæтк

0
13

Экономикон рæзт фæхъомысджындæр кæныны штабы æмбырды РЦИ-Аланийы Сæргълæууæг Сергей Меняйло рæгъмæ рахаста республикæйæн хъæугæ товартæ, куыстытæ æмæ чысыл бæрцы лæггæдтæ кæныны портал саразыны фарста.

Сæргълæууæг æй æрвылкъуырион аппаратон æмбырды бафæдзæхста скæнын. Сæ бæрц 600 мин сомы онг кæмæн у, ахæм паддзахадон æмæ муниципалон æлхæнинæгтæ кæныны фæтк уæд фæнывыл уыдзæн. Хъуыддаджы ахæм фæндæттæ нæм алырдыгæй хæццæ кæнынц. Республикæйы разамонæг бахæс кодта штабæн, цæмæй æмгуыстады фарстамæ æркæсой æмæ æлхæнинæгтæ кæнгæйæ, федералон электронон фæзуатæй спайда кæной. Ома, «ТЭК-Торг» æмæ Мæскуыйы облæсты Интернет-дуканийы лæггæдтæй.
«Бæстæйы бирæ регионтæ баст сты электронон дуканитимæ, мах дæр сæ хъуамæ бафæзмæм æмæ уæд нæ бон чысыл æлхæнинæгты къабазы хуызæнæн фæтк сæвæрын бауыдзæн. Компанитæ сæ фæрæзтыл æвæрдзысты нæ балхæды тыххæй хабæрттæ. Бадзырд фысгæйæ, нæ бон уыдзæн хи товартæ базарады хызмæ хæссын. Æппæт бæстæйы сæ базондзысты. Æппæт бæрнон ведомствæтæ хъуамæ саразой хи товарты хыгъд», — загъта Сæргълæууæг.
Уæлдай æргом аздæхтой Аланийы саргъуыды 1100 азы бæрæгбонмæ, йæ сæйраг мадзæлттæ конд цæудзысты ацы фæлладуадзæн бонты. Хицауады Сæрдары хæдивæг Томайты Ирбегæн йæ размæ сæвæрдтой, æппæт барадхъахъхъæнæг æмæ тыхы структурæтимæ æхсæнадон æдасдзинады фæдыл аныхас кæныны хæс.
Бæрæгбоны мадзæлтты рæстæг Цæгат Ирыстон хъуамæ бæрæг кæна республикæ æмæ Дзæуджыхъæуы бæрæгбæттæ. Горæты бынæттон хиуынаффæйады администрацийы сæргълæууæг Милдзыхты Вячеслав куыд радзырдта, афтæмæй æппæт хъуыддæгтæ конд цæудзысты пъланмæ гæсгæ. Ацы аз сæ æнæ эстрадон концерттæ æмæ фейерверктæй кæнын сфæнд кодтой.
Сергей Меняйло сразы фæндонимæ, куыд бафиппайдта, афтæмæй æппæт историон акцитæ æмæ хъуыддæгтæ хъуамæ хæссой удварны-патриотон хæзнатæ, æхсæнад иу кæной. Дарддæр ма рæгъмæ рахастой Дзæуджыхъæуы æхсæнадон бынæтты фæлгонцады фарстатæ. Милдзыхты Вячеслав куыд радзырдта, афтæмæй Жуковскийы номыл Сывæллæтты парчы куыстытæ кæронмæ фæхæццæ кæнынц, Хетæгкаты Къостайы номыл Центрон фæлладуадзæн парчы бацæуæнтæм зилынц, асфальтæй æхгæнынц фæндæгтæ, цъæхфæлыст дзы нывæндынц. Тагъд æхсæнадон бынæттæ скусдзысты.

РЦИ-Аланийы
Сæргълæууæджы æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here