Гæрзифтонг тыхтæм службæмæ кæмæ фæсидтысты, уыдон æмæ уæлдæр ахуыргæнæндæтты студенттæ хайгай мобилизацимæ нæ хауынц. Уый тыххæй телеканал «Уæрæсе-24»-йæн фехъусын кодта Уæрæсейы Хъахъхъæнынады министр Сергей Шойгу.
«Уæлдæр ахуыргæнæндæтты студентты сæрмагонд хæстон операцимæ ахоныныл ныхас нæ цæуы. Цæуæнт ахуырмæ, зонындзинæдтæй сæхи дзаг кæнæнт, хайгай мобилизаци уыдонмæ нæ хауы. Ничи сæм фæсиддзæн. Гæрзифтонг тыхтæм служæбæмæ кæмæ фæсидтысты, уыдон дæр Украинæмæ нæ цæуынц, сæ службæ хъуамæ æххæст кæной Уæрæсейы», — загъта министр.
Нæ уацхæссæг
