РЦИ-Аланийы Сæргълæууæг Сергей Меняйло архайдта дунеон наукон конференцийы пленарон æмбырды. Йæ темæ — «Чырыстон дин Цæгат Кавказы: истори, культурæ, нырыккон æхсæнад». Ныхасы ма архайдтой Дзæуджыхъæуккаг æмæ Алайнаг епископ Герасим, Цæгат Ирыстоны паддзахадон университеты ректор Огъуаты Алан, наукон æмæхсæнады минæвæрттæ.
Наукон конференцийы сарæзт баст у Аланийы саргъуыды 1100 азимæ. Уый Уæрæсейы, Кавказы, æппæт чырыстон дунейы ссис истори æмæ культурæйы ахсджиагдæр цау. Хъуыддæгтæ 22-25 сентябры конд цæуынц Цæгат Ирыстоны Гуманитарон æмæ социалон иртасæнты институты.
Æмбырд гом кæнгæйæ, Сергей Меняйло куыд радзырдта, афтæмæй Аланыстоны саргъуыды 1100 аз Ирыстонæн, æппæт Уæрæсейæн у паддзахады ахсджиаг цау. Республикæйы разамонæг арфæйы ныхæстæ загъта Уæрæсейы Федерацийы разамындæн, юбилей цæттæ кæнгæйæ, Цæгат Ирыстонæн алывæрсыг æххуыс кæй бакодтой, уый тыххæй.
«Мах цалдæр стыр хъуыддаджы скодтам, уыдонимæ — Владимираг Цытджын Мария Ясыняйы кадæн, проект «Хæст æмæ кадæг. Аланыстон. Цивилизацийы гуырæнтæ» æмæ «Алайнаг паддзахады хæзнатæ». Федералон музейты сæ скодтам. Абоны мадзал дæр наукон кусджыты цæстæнгас йæхимæ раздахдзæн, дины, культурæйы, историйы, наукæйы, æхсæнады царды фарстатæ сисдзæн. Конференцимæ хуынд сты профилон академион институтты, федералон æмæ Цæгат Кавказы уæлдæр ахуыргæнæндæтты, Уæрæсейы Чырыстон аргъуаны, æхсæнады минæвæрттæ», — загъта Сæргълæууæг.
Конференцийы сæйраг ныхас бацахсдзысты Аланыстоны саргъуыды истори, алантæн Византиимæ, Сомихимæ, Гуырдзыстонимæ цы бастдзинæдтæ уыд, уый, аланты рагон чырыстон дины æвдисæнтæ, аланты епархийы истори, чырыстон дины цыртдзæвæнтæ æмæ æндæр темæтæ.
Программæмæ гæсгæ дзы уыдзæн пленарон æмæ сессион æмбырдтæ, цæлхæмбырдтæ. Рæгъмæ рахæсдзысты чырыстон дины цыртдзæвæнты реставраци, дины туризм, чырыстон дины текстты æвзаг æмæ æндæр ахсджиаг темæтæ. Гуманитарон æмæ социалон иртасæнты институты стæм чингуытимæ дæр базонгæ уыдзысты.
Конференцийы æрмæджытæ хицæн статьятæй наукон журналты рауаддзысты. Аланыстоны саргъуыды 1100 азы бæрæгбонмæ республикæйы бирæ культурон, наукон, рауагъдон, равдыстытæ конд æрцыд. Сбæрæг кодтой дины маршруттæ, культурон бынтæ цалцæггонд æрцыдысты. Уыдонимæ — Хетæгкаты Къостайы хæдзар-музей Нары хъæуы, Дзæуджыхъæуы традицион культурæ æмæ этнотуризмы центр «Фарн». Афтæ зæгъæн ис, æмæ тынг бирæ культурон бæстыхæйттæ сæ цæстæй ракастысты.
Бæрæгбоны архайæг адæммæ æнхъæлмæ кæсынц алыхуызон культурон, спортивон мадзæлттæ. Æппæт хъуыддæгты фæстæ адæм фендзысты бæрæгбоны стыр концерт, дзæнгæрджыты айзæлд, æмæ дзæнгæрджыты музыкæйы концерт. Культурон æмæ æндæр мадзæлттæ дарддæр конд цæудзысты октябры æмæ ноябры. Уыдæттыл ныхас рауад пленарон æмбырды.
РЦИ-Аланийы
Сæргълæууæджы æмæ Хицауады
пресс-службæ
