Дыууæ боны Цæгат Ирыстон бæрæг кодта Аланыстоны саргъуыды 1100 азы бæрæгбон. Дзæуджыхъæуы Сæрибары фæзы сарæзтой историон цауы рацарæзт, зарæггæнджыты коллективтæ равдыстой концерт.
Историон рацарæзт бантыст бæхты театр «Нарт»-ы æмæ республикæйы хореографион коллективты фæрцы. Уыдон равдыстой, Аланыстоны чырыстон дин куыд райстой, уый.
Концертон программæйы сæ арæхстдзинæдтæ равдыстой Уæрæсейы сфæлдыстадон коллективтæ: ансамбл «Уæрæсейы дзæнгæрджытæ» (Мæскуыйы горæт), Сретенаг моладзандоны зарæггæнджытæ, Аланыстоны паддзахадон камерон хор, А.А. Юрловы номыл Уæ- рæсейы капеллæ, Удварны рагонуæрæсейаг ансамбл «Сирин», М.Е. Пятницкийы номыл адæмон хор æмæ æндæр коллетивтæ.
Уазджытæн, æрбацæуæг адæмæн арфæйы ныхæстæ загътой РЦИ-Аланийы Сæргълæууæг Сергей Меняйло, Дзæуджыхъæуккаг æмæ Ала- ныстоны алчер Герасим, республикæйы культурæйы министр Галазты Эдуард.
Куыд зонæм, афтæмæй Аланийыл саргъуыды тыххæй Указ фондз азы размæ бафыста Уæрæсейы Президент Владимир Путин. Уæдæй абонмæ æппæт мадзæлттæ конд цыдысты, культурон бынты цыртдзæвæнтæм базылдысты, документалон кинонывтæ систой, историон литературæ рауагътой, æндæр хъуыддæгтæ сарæзтой.
Бæрæгбоны кадæн скодтой алыхуызон мадзæлттæ. Наукон цæлхæмбырдтæ, дзæнгæрджыты айзæлды концерттæ равдыстой, адæмон æрм-дæсныты равдыстытæ сарæзтой.
Нæ уацхæссæг
