Мæздæджы арæзт æрцыд 24-æм хъазахъхъаг ерыстæ дзюдойæ «Сæрибар Терк».
Ерысы архайдтой 300 фылдæр спортсмены Стъарапол, Цæцæн, Хъæрæсе-Черкеси, Кæсæг-Балхъар, Хуссар Ирыстон æмæ Цæгат Ирыстонæй. Дыууын цыппар азы размæ Луковскаяйы хъазахъхъаг æхсæнад æмæ Мæздæджы «Дзюдо»-йы скъолайы хъæппæрисæй арæзт ‘рцыд ацы регионалон ерыс.
— Тынг æхсызгон нын у, ацы ерыс Мæздæджы районы кæй байгом, уый. Спорт у сывæллæтты иугæнæн мадзал, къордтæ сæ скæны æмæ сын равдисы, сæ лæмæгъдзинад æмæ сæ тых цæй мидæг ис, уый, — загъта станицæ Луковскаяйы сæргълæууæг Игорь Стародубцев.
Дыууæ боны дæргъы кармæ гæсгæ къордты, алы регионæй сывæллæттæ уыдысты уæлахиздзаутæ. Уыимæ, къордæй ерысы фæуæлахиз сты Мæздæджы спортсментæ, дыккаг бынаты — Дзæуджыхъæу, æртыккаджы та нæ уазджытæ Черкесскæй.
Евгения Выборная