Уæрæсейы барадхъахъхъæнæг оргæнтæ сарæзтой фыццаг уголовон хъуыддаг æрсидты рæстæг æфсæддон службæйæ хи фæтылиф кæныны цауы фæдыл.
Уый тыххæй фехъусын кодта УФ-йы Слестгæнæг комитеты Пензæйы облæсты управленийы пресс-службæ.
Слестгæнæг комитеты минæвары ныхасмæ гæсгæ, Пензæйы районы хъæутæй иуы цæрæг 1990 азы гуырд нæлгоймагæн фехъусын кодтой, 26 сентябры йæ хъæуы администрацимæ бацæуын æмæ уырдыгæй иннæ æрсидтонты къордимæ æфсæддон комиссарадмæ ацæуын кæй хъæуы, уый тыххæй.
Фæлæ нæлгоймаг уыцы хъусынгæнинаг ницæмæ æрдардта æмæ æфсæддон комиссарадмæ бацæуынæй йæхи бамбæхста.
Слестгæнджытæ ацы цауы фæдыл аразынц æмбæлгæ иртасæн мадзæлттæ.
Нæ уацхæссæг
